Kunstane i antikken og mellomalderen og den klassiske tradisjonen

Emnet har som mål å gi ei tematisk og historisk fordjuping i antikken og/eller mellomalderen si kunsthistorie og/eller i den klassiske tradisjonen i seinare kunst og visuell kultur. Bacheloroppgåva kan ta utgangspunkt i konkrete døme på kunstverk, arkitektur og visuell/materiell kultur eller eit teoretisk problem.

Det kronologiske og tematiske tyngdepunkt vil variere frå semester til semester.

Hovedtema for KUN250 våren 2024 er «MATERIELL AGENS OG ANIMASJON I ANTIKKEN OG MIDDELALDEREN». All undervisning samt foreslått pensum vil være innenfor hovedtemaet. Det vil likevel være mulig for de som ønsker det å skrive BA-oppgave om andre tema innenfor antikkens og middelalderens kunst, håndverk og teknologi.

Studiet tar opp tema som kunsten sin funksjon, kunst og religion og kunsthistoriske tradisjonar.

Studenten skal ved avslutta emne ha følgjande læringsutbytte:

Kunnskap

Studenten

• har ei fordjuping innanfor kunsthistoria i antikken eller mellomalderen eller den klassiske tradisjonen fram til vår tid
• har kunnskap om forskingstradisjonar innanfor fordjupingsemnet

Ferdigheiter

Studenten

• kan reflektere kritisk i høve til estetiske og teoretiske spørsmål
• kan nytte relevante faglege tilnærmingsmåtar til å tolke kjende og ukjende verk og drøfte kunsthistoriske problemstillingar

Generell kompetanse

Studenten

• skal gjennom bacheloroppgåva ha oppnådd røynsle med å jobbe med eldre kunsthistorisk materiale
• kan framstille fagstoff frå eldre kunsthistorie på sjølvstendig vis både skriftleg og munnleg