Nordisk: Språksystem og språkbruk

Mål:

Emnet har som mål å gi studentane eit felles utgangspunkt i studiet av det moderne norske språksystemet: lyd, ord, setning og tekst. Det skal byggje opp ein grunnstamme av kunnskap som er naudsynt for norsklærarar, språkkonsulentar og andre som utøver yrke der gode norskspråklege kvalifikasjonar er eit krav.

Innhald:

Grammatikk (morfologi og syntaks) utgjer den mest omfattande delen av emnet. Andre tema er tekstlingvistikk/pragmatikk, fonetikk/fonologi og semantikk/ordforråd.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

har brei og god kunnskap om moderne norsk morfologi og syntaks

har grunnleggande kunnskap om tekstlingvistikk og pragmatikk

har grunnleggande kunnskap om artikulatorisk fonetikk og norsk fonologi

har grunnleggande kunnskap om semantikk og ordforråd

har noko kunnskap om likskapar og skilnader mellom norsk og andre språk

Ferdigheiter

Studenten

kan bruke kunnskapane i språklege analysar og oppgåver

kan framstille språklege fenomen klart og riktig

skriv norsk korrekt og godt

Generell kompetanse

Studenten

er i stand til å studere norsk språksystem og språkbruk på meir avansert nivå

kan bruke kunnskapar om norsk språksystem og språkbruk i framtidige yrke

kan delta i kunnskapsbaserte diskusjonar om norsk språksystem og språkbruk