Forskningspraksis i fysikk ved CERN

Mål:

Studenten får praktisk erfaring med forsking som prosess og arbeidsmetode i eit internasjonalt

forskingsmiljø. Studenten vil planlegge, gjennomføre og formidle sitt eige arbeid. Studenten utviklar ei

betre forståing av forskingas eigenart og bidrag i samfunnet.

Innhald:

Studenten vil som teknisk student ved CERN gjennomføre eit sjølvstendig forskingsprosjekt som varer frå

6 til 12 månader. Studenten er integrert i ei forskingsgruppe på CERN, og prosjektet blir gjennomført

under fagleg rettleiing. Temaet blir valt i samråd med fagleg rettleiar på CERN, og ein forstudierapport skal

bli levert tidleg i prosjektet. Studenten skal gjennomføre ein midtvegspresentasjon for fagleg ansvarleg

ved UiB. Det skal skrivast ein prosjektrapport på vitskapeleg form, og problemstilling og resultat skal

formidlast på ein sluttpresentasjon etter at opphaldet på CERN er gjennomført.

Studenten skal ved avslutta emne ha fylgjande læringsutbyte definert i kunnskapar, ferdigheiter og

generell kompetanse:

Kunnskapar

Studenten

• har kunnskapar om forskingsetiske normer, retningslinjer og god praksis i fagfeltet
• kan setje seg grundig inn i ei ny problemstilling i fysikk og nødvendige arbeidsmetodar
• kan forklare prinsippa bak og formålet med dei forskingsaktivitetane som inngår i prosjektet
• kan plassere eigne data og funn i ein fagleg kontekst

Ferdigheiter

Studenten

• kan planlegge, gjennomføre og rapportere resultat frå ei forskingsoppgåve i tråd med fagets standardar
• kan finne, samanfatte og bruke faglitteratur som er relevant for prosjektet
• kan forklare og begrunne korleis resultata i prosjektoppgåva kan tolkast og vurderast
• kan vurdere eigne resultat opp mot ny kunnskap i fagfeltet
• har erfaring med metodar og praksis i eit internasjonalt forskingssamarbeid

Generell kompetanse

Studenten

• utviklar fagleg identitet, rolleforståing og forståing for forskingas eigenart og bidrag i samfunnet
• kan samarbeide med andre i eit forskingsfellesskap og sikre framdrift av eit definert prosjekt
• kan kommunisere eige arbeid og resultat til ulike målgrupper gjennom rapportar og presentasjonar
• kan bruke kunnskapar i fysikk til kritisk tenking og ansvarleg refleksjon