Kurs i forsøksdyrlære, laboratoriedyr, teori, funksjon A, B og D

Hovudmålet med kurset er å sikra etisk og human bruk av dyr i biomedisinsk forsking. Studentane vil læra prinsippa for forsøksdesign og korleis ein samlar inn pålitelege, objektive og reproduserbare forskingsdata frå dyreforsøk. Kurset omhandlar bruk av vanlege modellorganismar i biomedisinsk forsking: mus, rotter, gris og modellfisk (sebrafisk, medaka).

Kurset dekkjer den teoretiske opplæringa for personell som skal planleggja og/eller gjennomføra dyreforsøk i Noreg (funksjon A og B). Kurset oppfyller kompetansekrava i Forskrift om bruk av dyr i forsøk (FOR-2015-06-18-761, § 24 og Vedlegg E), som svarer til artikkel 23 og vedlegg 5 i direktiv 2010/63/EU. Kurset dekkjer læringsmåla for funksjon A og B i EU-kommisjonens rammeverk for utdanning og opplæring innan forsøksdyrkunnskap (https://op.europa.eu/en/publication-detail/-/publication/fca9ae7f-2554-11e9-8d04-01aa75ed71a1/language-enf)

For å utføra prosedyrar på dyr (Funksjon A) må studentane også fullføra CAREIN praktisk opplæring. Den praktiske opplæringa blir tilboden som eigne kurs ved samarbeidsuniversiteta i CAREIN (NMBU, NTNU, UiB, UiO, og UiT).

Det teoretiske kurset dekkjer modulane som er nødvendige for EU-funksjon A og B for dei relevante artsgruppene. Meir spesifikt dekkjer kurset følgjande teoretiske EU-modular:

Kjernemodular:

1. Nasjonal lovgiving

2. Etikk, dyrevelferd og dei 3rene (nivå 1)

3.1 Grunnleggjande og relevant biologi hos aktuelle dyreartar

4. Stell, tilsyn, helse og rutinar for dyrehald

5. Gjenkjenning av smerte, liding og stress

6.1 Humane avlivingsmetodar

Funksjonsspesifikke modular for funksjon A og B:

7. Minimalt invasive prosedyrar utan anestesi

9. Etikk, dyrevelferd og dei 3rene (nivå 2)

10. Design av forsøk (nivå 1)

11. Design av forsøk (nivå 2)

Oppgåvespesifikke tilleggsmodular for funksjon A og B:

20. Anestesi for mindre prosedyrar

21. Anestesi for kirurgiske eller langvarige inngrep

22. Kirurgiske prinsipp

Læringsutbytta er tilpassa dei detaljerte læringsmåla for dei aktuelle modulane i EU-kommisjonens rammeverk for utdanning og opplæring (https://op.europa.eu/en/publication-detail/-/publication/fca9ae7f-2554-11e9-8d04-01aa75ed71a1/language-e ).

Etter å ha fullført kurset vil studentane oppnå følgjande overordna læringsutbyttar, beskrive i form av kunnskap, ferdigheiter og generell kompetanse:

Kunnskapar

Studenten kan…

• gjera greie for norsk og europeisk regelverk for bruk av dyr i forsøk
• forstå dei sentrale rollene og ansvarsområda til personell som er involvert i forsøk med dyr
• identifisera og forstå etiske og dyrevelferdsmessige problemstillingar knytte til bruk av dyr i forsking
• beskriva og drøfta prinsippa for dei tre Rene og korleis desse kan implementerast i ein konkret studie
• beskriva grunnleggjande biologi (anatomi, fysiologi, genetikk og åtferd) for relevante dyremodellar
• gjera greie for korrekt handtering og rutinar for dyrehald for dei relevante forsøksdyrartane
• kjenna igjen og beskriva prinsippa for smerte, smertebehandling, humane endepunkt og human avliving for dei aktuelle forsøksdyra
• identifisera moglege helserisikoar for menneske ved arbeid med forsøksdyr og beskriva formålstenlege vernetiltak
• gjera greie for vanlege art-spesifikke eksperimentelle prosedyrar
• identifisera og forklara sentrale faktorar som må vurderast ved planlegging og design av dyreforsøk
• beskriva og forstå prinsippa for anestesi og analgesi
• beskriva og forstå grunnleggjande kirurgiske prinsipp

Ferdigheiter

Studenten kan...

• vurdera bruken av og bruka alternativ og supplement til dyreforsøk
• gjera kvalifiserte vurderingar av etiske og dyrevelferdsmessige problemstillingar, og handtera desse på ein formålstenleg måte
• aktivt identifisera og ta omsyn til faktorar som kan påverka vitskaplege resultat og pålitelegheita av dyreforsøk
• gjera kvalifiserte val om bruk av analgesi, anestesi, humane endepunkt og avliving
• ha ei medviten haldning til førebygging av helserisiko for menneske ved arbeid med forsøksdyr

Generelle kompetansar

Studenten kan...

• planleggja og forma ut forsøk med dyr
• utføra prosedyrar på dyr under rettleiing, og med tida arbeida sjølvstendig

8