Digitalisering i helse: Individ, organisasjon og samfunn

Den gjennomgripande digitaliseringa som foregår i helsesektoren har store konsekvensar for helsetenestene. Dette stiller nye kompetansekrav til leiarar og tilsette med et breitt spekter av fagområde og yrkesfunksjonar i primærhelsetenesta, spesialisthelsetenesta og private helsetenestetilbydarar. Emnet har som mål å gje studentane inngåande kunnskapar om konteksten og rammene for digitalisering i helsesektoren på eit nasjonalt, regionalt og lokalt nivå. Emnet skal gje studentane eit nødvendig grunnlag for å bidra i digitaliseringsprosjekt i helsesektoren. Studentane utviklar også ferdigheiter og kompetanse som er nødvendige for at helsepersonell kan drive innovasjons- og forbetringsarbeid og brukarsentrert digitalisering.

Sentrale tema som studentane jobbar med er føringar og strategiar for digitalisering av helsesektoren, verksemdsarkitekturen si betydning for informasjonsflyt, avgjerder og organisering, personvern og IKT- sikkerheit.

Studenten skal ved avslutta emne ha følgande læringsutbytte:

Kunnskapar

Studenten kan

• forklare kva digitalisering er og relatere sentrale omgrep til eigen arbeidsplass
• vurdere og analysere sentrale føringar og rammevilkår for digitalisering i helsesektoren på lokalt, regionalt og nasjonalt nivå
• anvende kunnskap om digitalisering i helsetenesta på eigen arbeidsplass, og reflektere over praksis og behov på eigen arbeidsplass
• anvende sentral teori og kunnskap om samahengen mellom verksemda sine mål, organisering og IT-system (verksemdsarkitektur)

Ferdigheiter

Studenten kan

• Bruke kunnskap for å forstå arbeidsprosessane med tilhøyrande informasjonsutveksling i helsetenestene (verksemdsarkitektur)
• analysere behovet for vidare utvikling av digitale helsetenester på eigen arbeidsplass
• Bidra til analyse av risiko og handtering av denne i tråd med sentrale prinsipp, lover og reglar
• vurdere og analysere problemstillingar knytt til personvern i digitaliseringsprosjekt, og konsekvensar ved brot på regelverket

Generell kompetanse

Studenten kan

• Kommunisere og samarbeide i tverrfaglege digitaliseringsprosjekt på arbeidsplassen sin
• Kartlegge og integrere ulike kunnskapskjelder i innovasjons- og forbetringsarbeid i digitaliseringsprosessar