Digitalisering i Helse: Leiing

Mål

Målet med denne modulen er å gjere studentane i stand til å ta ei leiarrolle i å drive fram endring av store regionale eller nasjonale digitaliseringsprosessar samtidig som dei ivaretek medarbeidarar og lokale digitaliseringsprosessar. Vidare vil emnet gje studentane innføring i og erfaring med forbetringsarbeid i tråd med forskrift om leiing og kvalitetsforbetring i helse og omsorgssektoren. Studentane vil få kompetanse i å planlegge, gjennomføre og evaluere endringar knytt til digitalisering og digital transformasjon.

Innhald

Modulen vil belyse utvikling av leiingsfaget generelt, med særleg vekt på ei relasjonsorientert tilnærming til leiing og tek utgangspunkt i leiing av endringar sett frå ulike nivå i ein organisasjon.

Arbeidet belyser forutsetningar for å endre. Vi vil kome inn på tema som Behovsforståelse, Strategisk planlegging, endringsmodnad, kapasitetsbygging, gjennomføringskraft, motstand og kontinuerleg forbetring i organisasjonen. Vidare fokus er leiar si rolle i å initiere og gjennomføre endringsprosessar. Studentane får anledning til å bruke egen erfaring gjennom prosessen frå ide til slutning.

Problemstillingar kurset vil prøve å svare på:

• Kva leiingsform vil krevjast for å lykkes i den digitale transformasjonen helsevesenet står ovanfor på tvers av tenestenivå og organisasjonar.
• Kva forståing og kva for nokre føresetnadar som må vere på plass i ulike nivå i organisasjonar for å få til digitalisering og digital transformasjon
• Korleis gå fram for å teste ut nye løysingar og nye måtar å jobbe på
• Korleis involvere og ansvarleggjere i det systematiske forbetringsarbeidet

Studenten skal ved avslutta emne ha følgande læringsutbytte:

Kunnskapar

Studenten kan

• Samanlikne og vurdere vitskapelege teoriar og metodar i leiingsfaget
• Leiarskap i møte med auka kompleksitet, tvitydigheit og omstillingskrav
• Analysere moglegheiter og avgrensingar i ulike leiingstilnærmingar og leiingsverktøy for å erkjenne behov, involvere, støtte og utfordre medarbeidarar og kollegaer, og leie utviklings- og endringsprosessar i organisasjonar

Ferdigheiter

Studenten kan:

• Bruke relevante metodar for leiing av digitaliseringsprosjekter på en sjølvstendig måte
• Bruke relevant leiingsteori og metodikkar til praktisk analyse

Generell kompetanse

Studenten kan

• Analysere korleis endringar knytt til digitalisering og digital transformasjon påverkar organisasjonar
• Anvende relevant terminologi for leiing av endring knytt til digitalisering