Helsefremjande arbeid: Innføring i sentrale omgrep og teoriar

Mål:

Emnet HEFR 331 tek sikte på å kvalifisere studentane til å drive forsking, undervisning og tiltak innan sentrale emne knytt til helsefremjande arbeid. I arbeidet blir det sett fokus på individuelle og strukturelle faktorar som har relevans for helseåtferd, helseoppleving og livskvalitet. Det blir lagt vekt på å undervise studentane i grunnlagsteori, teoretisk grunngjeving for tiltak, og kritisk analyse av teoriutviklinga på feltet. Studentane er venta å vise fagleg forståing for og innsikt i aktuelle kunnskapsområde gjennom å arbeide med relevante problemstillingar både individuelt og i grupper.

Innhald:

Emnet er sett saman av tre hovudtema; 1) helsefremjande arbeid, 2) helsefremjande samfunn, 3) helsepsykologi.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• har fagleg forståing for og inngåande innsikt i helsefremjande arbeid, den historiske utviklinga og relevante omgrep
• har omfattande kunnskap om nasjonale og internasjonale føringar og utfordringar for folkehelse og det helsefremjande arbeidet
• har inngåande kunnskap om relevansen av kommunen og lokalsamfunnet si rolle i det helsefremjande arbeidet
• har inngåande forståing for etiske utfordringar i helsefremjande arbeid
• har inngåande kunnskap om helsepsykologiens teoriar og deira relevans i det helsefremjande arbeidet
• har inngåande kunnskap om determinantar for helse, inkludert sosiale-, kulturelle-, samfunnsmessige-, sosioøkonomiske-, miljømessige og individuelle faktorar, og forståing av samanheng og samspel mellom desse
• har inngåande innsikt i ulike teoriar og perspektiv (teoritradisjonar) for å forstå utvikling og konsekvensar av sosial ulikskap i helse
• har kunnskap om ulike informasjonskjelder som er relevante for helsefremjande arbeid

Ferdigheiter

Studenten

• kan analysere samspel mellom individuelle og strukturelle faktorar i utvikling av helse
• kan analysere konsekvensar av sosial ulikskap for helsa til individet og befolkninga
• kan analysere relevansen av tverrfagleg og tverrsektorielt samarbeid for helsefremjande arbeid
• kan analysere konsekvensar av endringar i helsepolitikken

Generell kompetanse

Studenten

• kan reflektere rundt teoriar og modellar i helsefremmende arbeid og helsepsykologi og kritisk grunngje vala i bruken av desse
• kan samarbeide om å utdjupe sentrale problemstillingar innan helsefremjande arbeid, vurdere kunnskap og foreslå tilnærming for å løyse ei problemstilling
• kan kritisk analysere og diskutere konsekvensar av ulike verdisyn, dilemma og etiske spørsmål i tradisjonane innanfor helsefremjande arbeid
• kan formidle sentrale kjenneteikn ved og utfordringar innan det helsefremjande arbeidet og offentlig politikk inkludert sosial ulikskap i helse
• kan søkje etter, vurdere og bruke litteratur og informasjon i tråd med etiske prinsipp
• kan sjå samanhengen mellom kjeldebruk og fagleg kvalitet i eige og andre sitt arbeid