Differensialdiagnostikk og laboratorieprøver for manuellterapeutar (etter- og videreutdanning)

Overordna mål:

Studenten skal få utdjupande kunnskap om medisinske tilstandar som kan forvekslast med muskel- og skjelettplager, samt få kjennskap til bruk av dei mest brukte laboratorieundersøkingane.

Innhald:

Innhaldet skal dekke sentrale fagområde ein brukar som bakgrunnsinformasjon ved utøving av manuellterapi innan fagfelta nevrologi, reumatologi, medikamentbruk, ortopedi, svimmelhet, smertepsykologi, indremedisin, onkologi, og urologi.

Det vert og ei innføring i laboratorieanalysar med gjennomgang av ulike laboratorietestar relatert til klinikk, med vekt på det som er mest aktuelt i vanlig primærpraksis. Det vert gjort greie for diverse laboratorieprøver (kva for, kvifor, normalverdiar, avvik, osv.).

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten har

* inngåande kunnskap og innsikt i patologi relatert til muskel- og skjelettplager, inklusive aktuelle differensial-diagnosar for denne sjukdomskategorien, samt innsikt i diagnostikkreiskap som laboratorieanalysar

* innsikt i systemiske tilstandar som kan gi opphav til muskel- og skjelettsmerte

* kjennskap til relevante laboratorieprøver og deira diskriminerande evne ift alvorleg sjukdom. Studenten skal ha basiskunnskap om fagfeltet laboratorieanalysar relatert til klinisk bruk

Ferdigheiter:

Studenten

* kan fortolke teikn og funn frå underliggjande sjukdom

* kan om naudsynt henvisa pasientar til spesialisthelsetenesten

Generell kompetanse:

Studenten

* Har kunnskap om dei vanlegaste lidingane som kan forvekslast med symptom frå muskel-skjelett-lidingar

* Kjenner til regelverk knytt til henvisning og primærkontaktansvar.