Molecular and Cellular Methods in Immunology

Studentane skal bli kjente med metodar som blir brukt i immunologisk forskning.

Kurset blir undervist over ein 4-vekers periode, kor studentane skal levera ein grundig rapport i vitskapeleg format av forskinga som er utført.

Veke 1 (40 timer): Uavhengige studiar av kursmaterialet, inkludert protokollar og bakgrunnsmateriale.

Veke 2 og 3 (80 timer): Seminar kor studentane blir introdusert for kjernemetodane, og det blir ein open diskusjon av materialet. I tillegg praktisk laboratoriearbeid kor studentane vil få praktisk erfaring med metodane som blei studert i veke 1. Den praktiske delen av emnet vil gi studentane ei djupare forståing av metodane introdusert i den teoretiske delen av emnet.

Veke 4 (40 timer) Studentane vil behandla forskingsresultata frå veke 2-3. I tillegg vil kvar student få tildelt ein vitskapeleg artikkel. På slutten av veke 4 vil studentane delta på eit studentkollokvium kor dei skal presentera og diskutera resultata og konklusjonane frå veke 2-3. Vidare vil studentane halde ein presentasjon om den tildelte forskingsoppgåva.

For å få vurdering må studenten levera ein grundig rapport av forskinga som er utført (oppsummering av 4 vekers materiale), i eit vitskapleg format. Studenten må vise ei djup forståing av metodane som blir brukt, resultata som blir generert og sette dei i samanheng med tidlegare arbeid.

Teoretisk del:

Kursmateriell vil bli utlevert.

Kursleiarane vil gi ei teoretisk innføring i nokon av dei vanlege immunologiske metodane.

Studentkollokvium: Studentane presenterer og vurderer sine og kvarandre sine resultat kritisk, og presenterer og evaluerer ein forskingsartikkel kvar.

Praktisk del:

- Utrekning av molaritetar, førebuing av bufferar.

- Isolering av leukocytter frå blod ved hjelp av tettleiksgradient -sentrifugering. Isolering og dyrking av monocytter (cellekultur), in vitro - generering av makrofager.

- Western blot-analyse av signalvegar ved bruk av stimulerte celler.

- ELISA - Kvantifisering av cytokiner produsert av cellene.

- Immunfarging - Visualisering ved bruk av fluorescerande merka sekundært antistoff.

- Kvantifisering av kopinummer ved bruk av PCR: Samanlikning av standard PCR med kvantitativ sanntids PCR.

Ein kandidat som har fullført HUIMM306A skal ha følgande læringsutbyte definert i kunnskap, ferdigheiter og generell kompetanse:

Kunnskap: Etter fullført kurs skal deltakarane forstå målet og teorien bak vanlege immunologiske metodar.

Ferdigheiter: Etter å ha fullført kurset, skal deltakarane kunne planlegge og utføre eksperiment undervist i løpet av emnet.

Kompetanse: Etter å ha fullført kurset, skal deltakarane kunne bruke sine kunnskaper og ferdigheiter til å delta i ytterligare oppgåver knytta til forsking.

Lab.bygget, BB-bygget og Haukeland Universitetssykehus.