Introduksjon til datatryggleik

Mål:
Emnet tek sikte på å gje ein introduksjon til og eit oversyn over omgrepa sårbarheit, truslar, og mekanismar for å trygge datasystem og datanettverk.

Innhald:
Menneskelege, organisatoriske og regulatoriske aspekt, herunder risikostyring, lov og regulering, samt menneskelege faktorar, personvern og nettverksretter; Åtak og forsvar, inkludert skadevare og åtaksteknologiar, oppdaging og handtering av tryggleikshendingar, og etterforsking av hendingar; Systemtryggleik, inkludert kryptering, operativsystem og virtualiseringstryggleik, distribuert systemtryggleik, samt autentisering, autorisasjon og ansvarlegheit; Programvare- og plattformtryggleik, inkludert programvaretryggleik, web- og mobil tryggleik, sikker programvaredesign og utvikling; og infrastrukturtryggleik, inkludert nettverkstryggleik, maskinvaretryggleik, tryggleik for cyber-fysiske system og tryggleik i fysisk lagring.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten skal

• kunne beskrive typiske truslar mot moderne digitale system og å skissere teknikkar for forsvar mot ein kvar trussel.
• kunne beskriva fundamentet for moderne kryptografi
• kunne beskriva populære mekanismar og protokollar for tryggleik i datasystem og nettverk
• vera merksame på vanskane med å løysa problem rundt tryggleik

Ferdigheiter

Studenten er i stand til

• Innhente nye mekanismer for tryggleik på kort tid
• diskutera, uformelt og semiformelt, aspekt rundt tryggleik, slik det er beskrive i emnet, med partnarar
• identifisera tryggleiksoppgåver som må handterast av eksperter

Generell kompetanse

Studenten

• er kjent med nye idear og innovasjonsprosessar,
• kan utveksla meiningar med andre med relevant bakgrunn og delta i diskusjonar om utvikling av god praksis.