Praktisk-pedagogisk utdanning 1

Mål

Emnet har som mål å gje studentane kunnskap om barn og unges utvikling og læring i relevante kunstpedagogiske verksemder, med særleg fokus på grunnskule.

Emnet skal medverke til at studentane får innsikt i prosessen det er å planlegge, legge til rette, tilpasse, vurdere og reflektere over undervising i musikk eller kunst- og designfag.

Studentane skal tileigne seg kunnskap om sentrale aspekt ved læringsprosessar, og kunne reflektere over samanhengen mellom eigen kunnskap, undervising og elevane si læring. Med utgangspunkt i kjennskap til og forståing for skulen som organisasjon og formelle rammer for utdanning i Noreg, gjev emnet studentane reiskapar for planlegging, gjennomføring og vurdering av undervising, først og fremst i grunnskulen, trinn 5-10.

Innhald

Emnet tek opp tema som:

• Læring, utvikling og motivasjon.
• generell didaktikk, undervisingsplanlegging, vurdering og dybdelæring.
• klasseleiing og læringsfellesskap.
• Endringar i skule, samfunn og profesjonsforståing
• Aktuelle lov- og planverk og deira historikk
• Didaktisk relasjonstenking og fagdidaktiske tradisjonar
• Didaktisk lab. i relevante kunstfag (Kunst og Design)

Studenten skal ved avslutta emne ha følgjande læringsutbyte:

Kunnskap

Studenten...

1. har brei kunnskap om gjeldande lov- og planverk med særleg vekt på grunnskulen
2. har brei kunnskap om utviklinga og læringa til barn og ungdom i ulike sosiale og kulturelle samanhengar
3. Har inngåandekunnskap om motivasjonsprosessar og deira påverkingsfaktorar
4. har kunnskap om planlegging og gjennomføring av undervising i grunnskule og andre relevante kunstpedagogiske verksemder (t.d. kulturskule).
5. har inngåande fagdidaktisk kunnskap om grunnskule som læringsarena og relevante undervisingspraksisar i kunstfagleg hovuddisiplin

Dugleikar

Studenten...

1. kan, med utgangspunkt i gjeldande læreplanar og vedtekter, planlegge, gjennomføre, vurdere, og reflektere over undervising i grunnskulen og andre relevante kunstpedagogiske verksemder; tufta på forsking, kunstfaglege utviklingsarbeid og erfaringskunnskap
2. kan på en medveten måte leie og legge til rette for variert og differensiert undervising i grunnskule og andre relevante kunstpedagogiske verksemder, som fører til gode læringsprosessar, med fokus på skapande arbeid.
3. Kan skape eit meistringsorientert læringsmiljø i klasserommet ved å aktivt ta i bruk relevante motivasjonsteoriar
4. kan skildre kjenneteikn på elevar sin kompetanse
5. kan vurdere og dokumentere elevar si læring, og kommunisere vurderingsarbeidet som fremmar læring og medverkar til at elever kan reflektere over eiga læring

Generell kompetanse

Studenten...

1. kan med stor grad av sjølvstende vidareutvikle eigen kompetanse og medverke til den kunstfaglege utviklinga i grunnskulen og andre relevante kunstpedagogiske verksemder.