Praktisk-pedagogisk utdanning 3

Mål

Emnet har som mål å gje studentane kunnskap om elevanes utvikling av sosial kompetanse, knytt til gruppeprosessar, rettleiing og tilpassa opplæring. Emnet fokuserer på kunstdidaktiske praksisar i grunnskule og kulturskule.

Studentane skal tileigne seg kunnskap om sentrale aspekt ved læringsprosessar i kunstfaga, og kunne reflektere over samanhengen mellom eigen kunnskap, undervising og elevane si læring.

Emnet skal skape forståing for kunstnariske uttrykk si tyding og potensiale, som kjelde for erfaringar, oppleving og læring.

Innhald

Emnet tek opp tema som:

• Læringsprosessar i kunst, design og musikk.
• Didaktikk for kulturskulen.
• Didaktisk lab. for kunst/design og musikk
• Instrumentaldidaktikk (musikk)
• Rettleiing
• Tilpassa opplæring
• Språk og kommunikasjon
• Sosial kompetanse og relasjonar, her under også konflikt og mobbing.
• Barn og unge i vanskelege livssituasjonar

Studenten skal ved avslutta emne ha følgjande læringsutbyte:

Kunnskap

Studenten...

1. har brei kunnskap om kunst og design, eller musikk som undervisningsfag, inkludert tydinga, relevansen og verdien til faget, både i grunnskulen, kulturskulen, og i andre kunstpedagogiske samanhengar.
2. skal kunne identifisere og greia ut om sentrale aspekt ved sosiale og faglege læringsprosessar i kunst og design eller musikk, med særleg fokus på grupper.
3. skal kunne forklare prinsippa for tilpassa opplæring og reflektere over korleis dette kan nyttast i kunst- og design-, eller musikkundervising.
4. er medveten om korleis kunstnariske uttrykk kan brukast som verktøy for læring og utvikling hos eleven/elevane
5. har kunnskap om barn og unge i vanskelege livssituasjonar.

Dugleikar

Studenten...

1. kan planleggje, gjennomføre og evaluere kunst- og design-, eller musikkundervising som tek vare på både teoretiske og praktiske dimensjonar.
2. kan rettleie elevane i kunstfaglege og sosiale læringsprosessar i individuelt og i grupper, kjenneteikna ved dialog, toleranse, respekt og omsorg.
3. syner evne til å tilpasse undervisinga etter elevens behov og forutsetningar.
4. kan leie og leggje til rette for variert og differensiert undervising.
5. kan leggje til rette for at kunstnariske uttrykk kan brukast som kjelde til inspirasjon og læring for elevar.

Generell kompetanse

Studenten...

1. skal kunne reflektere over samanheng mellom eigen kunstdidaktisk praksis og elevanes sosiale og faglege læringsprosessar, og bruke denne innsikts til å forbetre og vidareutvikle kunstundervisinga.