Politikk, makt og motstand

I sosialantropologien er det sentralt å forstå korleis makttilhøve gjennomsyrar sosialt liv og pregar fordelinga av sosiale, kulturelle og økonomiske privilegium i samfunn. Dette emnet handsamar politiske prosessar i sosialt liv med vekt på viktige sosialantropologiske omgrep og perspektiv for analysar av makt, legitimitet, motstand, hegemoni og diskurs. Tydinga av desse omgrepa og perspektiva vert utdjupa ved hjelp av studiefelt der sosialantropologar gjev viktige forskingsmessige bidrag til forståinga av maktforhold. Døme på slike studiefelt er etnisitet, nasjonalisme, identitetspolitikk, staten, organisert vald og konflikt, internasjonal migrasjon, minoritetspolitikk, politiske og sosiale rørsler, og globalisering. Emnet siktar imot å utvikle studenten sine evner til å kjenne at makt, legitimitet og motstand i kvardagslege sosiale relasjonar og sosiale og politiske strukturar som er tekne for gjevne slik at desse kan gjerast til objekt for kritisk analyse.