Intimate Atmospheres

Utstillinga Intimate Atmospheres – der digital kunst møter forskingsformidling – finn stad i Langes gate 1–3 frå 20. oktober til 24. oktober.

Intimate Atmospheres inviterer publikum inn i den subtile og ofte usynlege mikroklimaverda – lokale miljøtilhøve som påverkar biologisk mangfald og helsa til skogane i nordiske økosystem. Med utgangspunkt i forskingsprosjektet "Understanding the role and interplay of forest microclimates for successfully balancing productivity and biodiversity among Nordic forest landscapes" gjennom av Samnordisk Skogsforskning (SNS), blir kvantitative klimadata forma til sanselige, estetiske og deltakarbaserte opplevingar. Gjennom lyd, bilete, interaktivitet og spekulative medium blir vitskaplege funn tolka på nytt – ikkje som statiske fakta, men som dynamiske og kjensleladde møte som inviterer til refleksjon over korleis vi oppfattar og lever i skogøkologien.

Utstillinga er eit resultat av samarbeid mellom CDN sin AIR-node og forskarar frå Norsk institutt for naturforsking (NINA). Arbeidet er finansiert av Samnordisk Skogsforskning (SNS). Ved å omsetje mikroklimadata til visuelle og lydlege uttrykk, viser kunstnarane korleis kreativ praksis kan byggje bruer mellom ulike fagfelt. Verka utfordrar publikum til å møte data ikkje berre intellektuelt, men også sanselig – dei inviterer deg til å lytte, sjå og bevege deg gjennom rytmane i eit skogsområde. Gjennom spekulativ design og generative system strekkjer utstillinga forskinga inn i fantasien sitt rom, og opnar for dialog om miljømessige framtider og det stadig endrande forholdet mellom menneskelege og ikkje-menneskelege verdener.

Intimate Atmospheres omformar datainnsamling til ei poetisk og filosofisk handling – ei oppmoding om å sjå mikroklimatiske endringar som elles ville gått upåakta. Her kan data bli til materiale: det vibrerer, syng, glitrar. Utstillinga spør: kva skjer når vitskapen talar gjennom kunsten?