Ph.d.-utdanning er den høgste utdanninga ved universitet og høgskular i Noreg. Ph.d.-utdanninga skal kvalifisere ph.d.-kandidatar for forsking av internasjonal standard og for anna arbeid i samfunnet kor det vert stilt store krav til vitskapleg innsikt og analytisk tenking.
Finanisering og lengde
Før du startar på ph.d.-utdanninga, må du ha sikra deg finansiering i den tida du er ph.d.-kandidat. Dette kan for eksempel vere som ph.d.-stipendiat ved UiB. Etter at du har sikra deg finansiering, kan du søke på eitt av UiB sine syv ph.d.-program.
Ph.d.-utdanninga er normert til tre år. Mange får eit ekstra år med karrierefremmande arbeid på instituttet der dei er tilsett.
Rettleiing
Arbeidet med ph.d.-graden skal rettleiast av minst to rettleiarar. Dette kan vere ei/ein rettleiar som kjem frå UiB eller frå andre arbeidsplassar. Det kan vere ei/ein rettleiar som du kjenner frå før eller som instituttet tildeler.
Forskarskule
Mange kandidatar er medlemmer av ein forskarskule, i tillegg til institutt. Forskarskular er dedikerte einingar for ph.d.-aktivitet inn mot forskardisiplinar eller tematiske felt. I forskarskulen kan du ta del i seminar, emner, førelesningar eller sosiale samankomstar. Mykje av aktiviteten i eit fagmiljø føregår elles i forskargrupper eller forskingsprosjekt. Her finn du professorar, førsteamanuensar, postdoktorar og jamvel masterstudentar.
Sjå oversikt over forskarskular ved UiB
Avhandling og kunstnarleg resultat
I løpet av utdanninga skal ph.d.-kandidatene skrive ei avhandling. Nokre av desse avhandlingane vert satt sammen av fleire artiklar, mens andre avhandlingar er monografiar, som ei heilskapleg bok med kapittel. På Fakultet for kunst, musikk og design kan du ta ein ph.d.-grad i kunstnarleg utviklingsarbeid, der ph.d.-prosjektet endar opp i ein konsert, utstilling eller anna framsyning.
Opplæringsdel
I løpet av utdanninga skal du også ta ph.d.-emne, tilsvarande eit semesters arbeid, i den såkalla opplæringsdelen. Du skal ta emne i vitskapsteori og etikk, men også innan metode og fagleg teori. Fakulteta tilbyr emne i formidling og anna meir praktisk opplæring.
Mot slutten
Den siste fasen av ph.d.-utdanninga startar med at du leverer inn avhandlinga di. Hvis avhandlinga di blir godkjend, skal du som del av ph.d.-prøven halde ei prøveforelesing. Heilt til slutt skal du forsvare avhandlinga i ein disputas.
Hugs at reglar, normer og struktur for ph.d.-utdanninga varierer mellom fakulteta sine ph.d.-program.