Kollektiv kompetanseutvikling er eitt av tiltaka i System for kompetanse- og karriereutvikling for tilsette i barnehage og skule (ekstern lenke). Kollektiv kompetanseutvikling skal bidra til å auke kompetansen og kvaliteten i barnehagar, grunnskular og vidaregåande opplæring, i fagskulane og ved universitet og høgskular.
Føremål
Ordninga skal bidra til å styrkje profesjonelle læringsfellesskap i barnehagar og grunnskular og utvikle den kollektive kompetansen ut frå lokale behov for kompetanseutvikling. Måla i rammeplanane og læreplanane utgjer ramma for utviklingsarbeidet. Kompetanseutviklingstiltaka skal planleggjast og gjennomførast i likeverdige partnarskap med universitet eller høgskular, eller i samarbeid med fagskular og andre relevante kompetansemiljø. Partnarskap mellom universitet eller høgskular og praksisfeltet skal i tillegg bidra til å styrkje lærarutdanningane.
Partnarskap
UiB deltek i partnarskap med skular i fleire kompetanseregionar i Vestland i både tilskuddsordningen for kollektiv kompetanseutvikling for barnehage og grunnskoleskole (ekstern lenke), og i tilskuddsordningen for kollektiv kompetanseutvikling i videregående opplæring (ekstern lenke). Den førstnemnde tilskotsordninga blir forvalta av Statsforvaltaren i Vestland (ekstern lenke), medan den andre blir forvalta av Vestland fylkeskommune.
Ved Universitetet i Bergen er ansvaret for å følgje opp kollektiv kompetanseutvikling lagt til lektorsenteret. Lektorsenteret har óg eit ansvar for ivareta det doble formålet i ordningane og slik sjå til at det vert god samanheng mellom tiltaka i kollektiv kompetanseutvikling og faglege satsingar i lektorutdanninga.
Gjennom kollektiv kompetanseutvikling kjem forskarane tett på praksis i skulen. Erfaringar og kunnskap frå dette arbeidet vert nytta inn i planlegging og gjennomføring av eiga undervisning for studentane og er slik med på å gjerne denne relevant og meir dagsaktuell. Problemstillingar frå kollektiv kompetanseutvikling kan óg danne utgangspunktet for nye forskingsspørsmål og forskningsprosjekt.