Fysikk (master)

På masterstudiet vil du lære å forstå kvifor verda rundt oss er som den er, og korleis me kan bruke og utvikle teknologi til å forstå prosessar rundt oss. Du lærer korleis du kan bruke kunstig intelligens og numeriske metodar for å forstå og analysere alt frå:

• mørk materie og dei minste byggjesteinane som kvarkar, gluon og Higgs m.m.
• utvikle teknologi til å forbetre behandling og diagnostisering av til dømes sjukdomar
• korleis elektromagnetiske bølgjer (lys, UV, radiobølgjer etc.) og lyd brukast til å forstå, utforske og overvake hav, atmosfære, verdsrommet, klima, olje, gass og fisk.

Du lærer og korleis man lager detektorar og måleutstyr som kan gi oss informasjon naudsynt for å innhente data til å utføre analysar og teknologisk utvikling som nemnt over. 

Som masterstudent kjem du inn i eit svært levande og aktivt forskingsmiljø på instituttet, med eit stort internasjonasjonalt nettverk.

Arbeidsveka di er fylt opp med aktivitetar som laboratoriearbeid, feltarbeid (til dømes på CERN, Sognefjorden og Svalbard), dataanalyse og programmering, samt førelesingar og anna undervisning. 

Du får undervisning av forskarar som er leiande innan sine fagfelt. Instituttet er ein viktig partnar i internasjonale forskingsmiljø og samarbeider tett med universitet og forskingsinstitusjonar.

Du blir ein naturleg del av forskingsgruppa i eit inkluderande arbeidsmiljø med fast lesesalsplass. Avhengig av masteroppgåve kan du delta i praktisk feltarbeid på stader som Marifjøra, Andøya Space, Svalbard eller CERN. Du får brei erfaring i programmering og handtering av store datamengder.

Som student kan du ofå verdifull arbeidserfaring som studentassistent eller mentor for yngre studentar. Fagutvalet for Fysikk og Teknologi (FFT) og linjeforeininga Doppler organiserer sosiale og faglege aktivitetar.

Som ferdig utdanna fysikar har du ekspertise innan fysikk og teknologi kombinert med brei kompetanse innan naturvitskap. Dette sikrar at du er godt utrusta til å gå inn i roller innan forsking, utdanning, næringsliv, administrasjon og samfunnsarbeid.

Med mastergrad i fysikk kan du ta mange forskjellige yrkesvegar, både i privat og offentleg sektor. Tidlegare studentar har fått jobb ved:

• Apple Silicon Valley
• CERN
• Data Respons
• DNB
• Equinor
• ESA
• Forsvaret
• Halliburton
• Haukeland Universitetssykehus
• Marine Technologies LLC
• NORCE
• Norconsult
• Odfjell
• Rambøll
• SWECO
• Universitet i Bergen, Oslo, Tromsø m.m.
• Zaptec

Dei fleste studentar frå land utanfor EU/EEA/Sveits må betale studieavgift, men det finns unntak.

Masterprogrammet i fysikk har to offisielle studieretningar, Master i Fysikk og Master i Teknisk Fysikk. Du vel studieretning basert på din utdanningsbakgrunn.

For studieretninga Master i Fysikk må du ha:
Bachelorgrad i fysikk eller beslekta fagområde, inkludert:

minst 70 studiepoeng som kan godkjennast som fysikk, og følgende fagområde må være dekt: moderne fysikk, mekanikk, termodynamikk, elektromagnetisme, laboratoriekurs i fysikk
minst 10 studiepoeng i programmering
minst 30 studiepoeng i matematikk
For studieretninga Master i Teknisk Fysikk må du ha:
Ingeniørutdanning i elektronikk /automasjon/datateknikk, inkludert:

minst 15 studiepoeng i fysikkrelaterte emne og
minst 30 studiepoeng med matematikk
Du må også ha (begge retningar):
Karakterpoenget (karaktersnitt) må vere på minimum C (2,5) i emna i opptakskravet for å formelt kunne kvalifisere til opptak.
Språkkrava i både norsk og engelsk for dette studieprogrammet dekker du med generell studiekompetanse, eller på annan måte (Språkkrav for tospråklege program)
OBS! Ta kontakt med studieseksjonen på studie.fysikk@uib.no dersom du har spørsmål knytt til om din bakgrunn kan kvalifisere og det ikkje framgår tydelig her.

Undervisningsspråk: Norsk og engelsk

Programmet dekker to akademiske år (fire semester) og startar både om hausten og våren.    

Det første året skal du hovudsakleg ta emner, medan i andre året er fokuset på masteroppgåva. Oppgåva er på 60 studiepoeng, og du skal til saman ta 60 studiepoeng emner. Tillpasningar gjerast i samråd med rettleiar.

Du vel mastertema frå tilgjengelege masterprosjekt i fysikk og teknisk fysikk, eller du kan finne fram til eit tema som passar deg i samråd med rettleiaren din. 

Spesialiseringar i denne graden.

Det finst fleire alternativ for studentar som vil reise på eit utvekslingsopphald i utlandet. Du kan utføre feltarbeid og ta emnar ved Universitetssenteret på Svalbard, søke om å vere sommarstudent eller teknisk student på CERN eller ta del i ein annan utvekslingsaktivitet.

Studieprogrammet gir formelt grunnlag for vidare doktorgradsstudium innan fagfeltet.
Det kvalifiserer for eittårig praktisk-pedagogisk utdanning (PPU) som kvalifiserer til å undervise som lærar i ungdomsskulen og vidaregåande skule.

Studieplan for Masterprogram i fysikk