Fluidmekanikk og varmeoverføring

Mål:

Emnet har som mål å gi ei innføring i fluidmekanikk og varmeoverføring. Emnet skal formidle forståing av grunnleggande matematiske modeller, korleis dei vart utleia og korleis dei kan nyttast for å løyse praktiske problem.

Innhald:

Fluidmekanikkdelen omfattar: Fluidstatikk, strøyming av væsker (inkompressibel straum) og gassar (kompressibel straum) gjennom røyrsystem og ulike typar prosessutstyr. Strøyming av væsker og gassar gjennom pakka og fluidiserte sjikt av partiklar av faste stoff. Bernoullis likning. Varmeoverføringsdelen omfattar: Leiings-, konveksjons og strålingsoverføring av varme i væsker, gassar og faste stoff. Dimensjonsanalyse og CFD-modellering (Computational Fluid Dynamics) blir forklart og brukt innanfor både fluidmekanikk og varmeoverføring.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• Kan definere typiske fenomen i fluidmekanikk og varmeoverføring
• Kan beskrive prosessar i einfase strøymingsapparatur

Ferdigheiter

Studenten

• beherskar de grunnleggande matematiske modellane i fluidmekanikk og varmeoverføring
• forklare mikro- og makroskopiske bevegelsesmengdebalansar og bruke dei til å løyse basale problemstillingar
• kvantifiserer varmeoverføring mellom fluid og faste vegger og i varmevekslarar.

Generell kompetanse

Studenten

• Kan anvende grunnleggande matematiske modeller i prosessindustrien
• Kan lage prinsippskisser for apparatur i prosessindustrien