Data frå grunnen av

Dette kurset er danna rundt målet om å byggja ein enkelt nettstad med eiga hosting, og vil introdusera ei rekkje informatikk-emne og førebu eit felles kontekstuelt grunnlag for seinare kurs i informtikkstudiane.

Med utgangspunkt i maskinvarekomponentar i moderne databehandlinga og køyringa av eit enkelt program diskuterer me filformat, databasar og rolla til programmeringsspråk.

Ved å sjå på datautveksling mellom program, leiar det til ein diskusjon av dei viktigaste konsepta i datanettverk frå høvesvis ein brukars og ein applikasjonsprogrammerars perspektiv. I samband med oppsett av webserveren gir kurset også ei oversikt over konsepta sårbarheiter, truslar, angrep og tryggingstiltak.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan kjenne igjen dei viktigaste maskinvarekomponentane i ei datamaskin, og beskriva korleis dei samarbeider for å køyra eit program
• kan diskutera programmeringsspråks plass som ein stabel med abstraksjonar frå maskinkode til overordna konsept
• kan beskriva korleis datalagring er organisert i filer og mapper, kjenna igjen korleis filformat er konvensjonsval
• kan bruka relasjonsdatabasar som ei alternativ lagringsorganisering
• kan beskriva formålet med normalisering av datatabellar
• kan forklara grunnleggjande nettverksprinsipp, klient-server-kommunikasjon og protokollar
• kan beskriva typiske truslar mot moderne digitale system, og skissera forsvarsteknikkar
• kan definera rolla til moderne kryptografi for tryggingssystem og protokollar
• kan kjenne igjen vansken med tryggingsproblem

Ferdigheter

Studenten

• kan bruke grunnleggjande skalkommandoar
• kan designe ein normalisert databasemodell
• kan bruke SQL til å oppretta og spørja på tvers av fleire tabellar
• kan lage ei nettside ved hjelp av HTML, CSs og enkle dynamiske element
• kan implementera tilgjengelegheitstiltak
• kan administrera eit sjølvhostet Linux (virtuell) maskin

Generell kompetanse

Studenten

• får ei forståing av moglegheitene til datateknologien i ein større kontekst
• kan bruka datautstyr under eigen kontroll, uavhengig av abonnementstenester
• er kjent med lover og etikk rundt ressurstilgang
• kan delta i samfunnsdiskusjonar om teknologiske emne rundt nettverk og tryggleik