Elektromagnetisme I

Mål:

Emnet har som mål å gje studentane ei brei innføring i grunnleggjande lover og samanhengar innan elektrisitetslære, elektromagnetisme, elektronikk og lyslære.

Innhald:

Emnet gir ei innføring i elektromagnetisme med spesiell vekt på fylgjande tema: Elektriske felt og elektriske straumar, magnetfelt og induksjon, grunnleggjande elektriske kretsar, Maxwell sine likningar og elektromagnetiske bølgjer.

Studenten skal ved avslutta emne ha fylgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har fått kunnskapar om sentrale tema innan teorien bak elektromagnetisme
• har fått kunnskapar om elektriske felt og elektriske straumar, magnetfelt og induksjon, grunnleggjande elektriske kretsar, Maxwell sine likningar og elektromagnetiske bølgjer
• har fått kunnskapar om elektromagnetiske fenomen samt koplinga til lys

Ferdigheiter

Studenten

• skal kunne forklare sentrale omgrep, lover og forklaringsmodellar innan elektrisitetslære og elektromagnetisme
• skal kunne bruke grunnleggjande lover og samanhengar til å løyse oppgåver innan elektrisitetslære og elektromagnetisme
• skal kunne teikne skisser som systematiserer problemstillinga i slike oppgåver

Generell kompetanse

Studenten

• har fått grunnleggjande kunnskapar i elektromagnetisme
• har fått kunnskapar av nytteverdi for andre fagområde innan naturvitskap generelt og fysikk spesielt
• har fått trening i å arbeide systematisk og analysere komplekse problem