Seminarserie

Emnet har som mål å gje oversikt over ulike disiplinar innan biomedisin. Studentane vert trena i å lytte til, tolke, reflektere over og gjengi vitskapeleg informasjon, og får trening i vitskapeleg skriving.

Seminarserien består av to seminar kvar månad gjeve på engelsk av føredragshaldarar frå både inn- og utland. Dei er ekspertar innan sine fagfelt, blant anna innan molekylærbiologi, biokjemi, cellebiologi, biomedisin, fysiologi, nevrovitskap, translasjonell medisin, strukturbiologi, proteomikk og bioinformatikk. Dei er valt ut etter kriterium som kompetanse, formidlingsevne og emnediversitet.

Program for seminara: https://www.uib.no/biomedisin/en/resources/conferences-and-seminars/bbb-seminars

Etter fullført emne kan studenten:

Kunnskapar

• Kjenne til fagomgrep innanfor ei breidde av dei biovitskapelege områda.
• Kjenne til ulike aspekt av "state-of-the-art" forskingspraksis som fører fram til nye vitskapelege erkjenningar.

Ferdigheiter

• Følgje og forstå vitskapelege føredrag.
• Ved ein samanlikning av ulike måtar å presentere eit vitskapeleg prosjekt på, få eit godt grunnlag for eigen presentasjonsteknikk.

Generell kompetanse

• Skisser eit forskingsprosjekt for framtidige studiar ved å utvide den vitskaplege forståinga.
• Erkjenne nytten av å delta på vitskapelege seminar gjeve av toppranka forskarar.