Sjukeheimsmedisin

Mål

Elektivt kurs for sjukeheimsmedisin har som mål å gi ein introduksjon til arbeid som lege i sjukeheim. Det skal vise korleis legen må kunne trekkje saman kunnskapen sin frå ulike medisinske spesialitetar og bruke dette til å gi best mogleg behandling til pasientar der det er spesielt viktig å tilpasse behandling til føresetnadene til pasienten.

Innhald.

Kurset startar med innføring i arbeidsmetodar og samarbeidsrutinar. Hovuddelen av kurset er praksis under rettleiing i samarbeid med legar i sjukeheim og sjukepleiarar, der vi også i ei viss grad vil trekkje inn tenester i pleie og omsorg utanfor sjukeheim. Praksis blir lagd opp omkring pasientar med samansette problem der studenten skal nytte kunnskap frå spesialiserteområde i sjukeheim.

Kurset gir eit godt grunnlag for å vikariere som sjukeheimslege og er ein pilot for praksisperiode i sjukeheim som del av studiet.

Kunnskap

Etter fullført praksis har studenten:

• kunnskap om strategiar for behandlingsavgrensing og terminal lindring,
• kunnskap om prinsipp for førehandssamtalarkunnskap om handtering av åtferdssymptom ved demens
• kunnskap om vurdering av samtykkekompetanse og kjenne reglar for tvangsbruk
• Kunnskap om behandlingsforløp mellom sjukeheim og andre omsorgstenester

Ferdigheter

Etter fullført praksis kan studenten

• Gjennomføre ein innkomstsamtale med sjukeheimspasient inkludert målretta pasientundersøkingLede ein sjukeheimsvisitt
• Forberede og gjennomføre ein pårørandesamtale om behandlingsplan
• Kommunisere med og undersøkje pasientar med demens
• Vurdere samtykkekompetanse
• Skrive ein epikrise etter sjukeheimsopphald

Generell kompetanse / haldningar

Etter fullført praksis har studenten:

• Ei heilskapleg tilnærming til pasientar i sjukeheim både i rehabilitering og i sluttfasen av livet i vissa om både fysiske, psykiske, sosiale og åndelege/eksistensielle behov
• Evne til å ta omsyn til personar med demens på ein respektfull måte
• Forståing for korleis ein gjennom legerolla kan bidra til auka livskvalitet på slutten av livet
• kompetanse til å aktivt ta del i tverrfagleg samarbeid i sjukeheimen og med andre kommunale tenester

3. studiepoeng.

2 veker med praksis