Energiberarar og plattformkjemikaliar frå bioressursar

Dette emnet gir ei innføring i kjemiske prosessar for omdanning av bioressursar til energiberarar og finkjemikaliar i industrielle samanhengar, med fokus på berekraftige tilnærmingar. Studenten vil få ei grundig forståing av prinsippa og teknologiane som vert nytta til å omdanne biomasse til verdfulle produkt som mellom anna biodrivstoff, biohydrogen, biogass og biokjemikaliar. Emnet dekkjer heile verdikjeda, frå råstoff og prosessering, til produktgjenvinning og bruk. Termokjemisk konvertering, biokonverteringsprosessar, katalytiske og enzymatiske transformasjonar, samt konseptuelle og praktiske sider ved bioraffineri, er viktige tema. Desse tema vil bli gått gjennom og samanlikna med tilsvarande prosessar i petroleumsraffineri.

Viktige tema inkluderer termokjemisk konvertering, biokonverteringsprosessar, katalytiske og enzymatiske transformasjonar, samt konseptuelle og praktiske sider ved bioraffineri, som vil bli gjennomgått og samanlikna med tilsvarande prosessar i petroleumsraffineri. Økonomiske og miljørelaterte konsekvensar for utnytting av bioressursar vil òg bli diskutert. Element av livsløpsanalyse vil bli introdusert og brukt i presentasjonen av berekraftsperspektivet til ulike prosessar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kjenner til ulike typar biomasseråstoff, samt potensiale og grunnleggjande prinsipp for omdanning av bioressursar til energiberarar og plattformkjemikaliar.
• har innsikt i sentrale konverteringsteknologiar, konverteringsprodukt og applikasjon innan bioraffinering og industri.

Ferdigheter

Studenten

• forstår konseptuelle og praktiske sider ved bioraffinering.
• kan samanlikne konseptuelle og praktiske sider ved bruk av bioressursar i bioraffinering med petroleumsraffinering.
• har grundig forståing av, og kan forklare, verdikjeder fra val av råstoff til produktgjenvinning og applikasjon.

Generell kompetanse:

Studenten

• nyttar prinsippa for bioraffinering for å vurdere problemstillingar rundt produksjonsprosessar og/eller integrering av fleire omdanningsprosessar for auka ressurseffektivitet og berekraft.
• kan finne og presentere vitskapleg basert informasjon om eit aktuelt emne innanfor fornybare energiberarar og plattformkjemikaliar fra bioressursar.