Filosofi mastergradsoppgåve

Masteroppgåva skal dokumentere at studenten har evne til å arbeide systematisk og sjølvstendig med filosofiske problemstillingar., og identifisere og artikulere sentrale omgrep, argument og posisjonar i det aktuelle problemområdet.

Masteroppgåva kan anten bestå av eit samanhengande arbeid, eller være sett saman av fleire mindre arbeid som står i ein indre fagleg samanheng med kvarandre. Om studenten vel ei samansett masteroppgåve, skal denne innehalde ei innleiing som syner korleis dei ulike mindre arbeida heng saman. Lengda på oppgåva skal være i samsvar med fakultetet sitt vedtak om kva lengd ei masteroppgåve skal ha.

Kunnskap

Etter fullført oppgåve skal kandidaten ha:

• Kunnskap og forståing av den sentrale forskinga relatert til sitt valde tema;
• Kjennskap til den breiare forskinga relevant for sitt valde tema;
• Forståing av korleis det valde temaet passar inn i filosofisk forsking meir generelt, og korleis det relaterer seg til andre fagfelt;
• Forståing av forskingsmetodar og metodologiar som er relevante for filosofisk undersøking.

Dugleik

Etter fullført oppgåve skal kandidaten vere i stand til å:

• Velje eit passande forskingsspørsmål med eit høveleg omfang, formulere det tydeleg og forklare kvifor det er interessant eller viktig å svare på;
• Finne relevant litteratur og identifisere dei kjeldene som er viktigast for å svare på det valde forskingsspørsmålet;
• Rekonstruere, analysere og evaluere relevante idéar, argument, teoriar osv. som finst i desse kjeldene;
• Utvikle og artikulere originale standpunkt og gi argument til støtte for dei;
• Forsvare standpunkt mot utfordringar eller innvendingar;
• Gjenkjenne teoretiske eller praktiske implikasjonar av dei standpunkta dei forsvarer, identifisere og artikulere avgrensingar ved forskinga deira, og identifisere vidare spørsmål som oppstår frå forskinga;
• Artikulere målet/måla for eit forskingsprosjekt, identifisere og bruke passende metodar eller metodologiar, og forklare korleis forskingsprosjektet bidreg til eksisterande forsking relatert til det valde temaet;
• Kommunisere både skriftleg og munnleg i samsvar med akademiske konvensjonar innan filosofi.

Kompetanse

Etter fullført oppgåve skal kandidaten ha kompetanse til å:

• Planleggje og gjennomføre eit omfattande forskingsprosjekt i filosofi (med rettleiing).
• Gi eit originalt bidrag til filosofisk forsking.
• Formidle forskingsfunn til eit akademisk publikum, både skriftleg og munnleg.