Praksisemne i geografi

Mål:

Praksisopphaldet skal bidra til å sjå den faglege kompetanse geografi gjev i forhold til aktuelle samfunnsaktørar og arbeidsgjevarar. Praksisopphaldet skal bidra til å la studenten tileigne seg profesjonsroller. Gjennom observasjon, samhandling, rettleiing og praktisk utøving skal studentane få høve til verte meir medvitne på eiga yrkesrolle og fagleg kompetanse og ta i bruk faglege perspektiv for å drøfte og analysere innhaldet i arbeidet.

Innhald:

Gjennom praksisopphaldet arbeider studenten saman med dei tilsette på arbeidsplassen og tek del i tilnærma dei same arbeidsplasstilhøva og dei same produksjonsprosessane som dei. Dette skjer ved at studenten har ei deltakande rolle. Det er ein føresetnad at studenten får høve til å delta i arbeidsoppgåver som er relevante i forhold til deira faglege kompetanse og i forhold til verksemnda sine behov. Ved semesterstart vert det halde oppstartseminar med fokus på å førebu studentane på praksis og korleis faget skal brukast. Studentane får rettleiing både frå verksemda og frå Institutt for geografi. Studentane skal i ein praksisrapport i samråd med emneansvarleg drøfte arbeidsoppgåver og praksisbedrift i eit fagleg perspektiv, eigen kompetanse i forhold til praksisen og reflektere over praksissemesteret, samt presentere utgreiings- eller prosjektarbeid som er gjort for bedrifta.

Studenten skal ved avslutta emne ha følgjande læringsutbytte:

Ferdigheiter

• Nytte fagkunnskapane studiet i geografi gjev i ein reell arbeidssituasjon.
• Kombinere teori med erfaringsbasert læring og reflektere over forholdet mellom teori og praksis.
• Danne eit bilete av korleis bedrifter/verksemder organiserer arbeidet, og relatere faglege perspektiv til reelle og aktuelle situasjonar i arbeidslivet.
• Reflektere meir medvitsfullt over eigen kompetanse, profesjonsrolle og drøfte bruk av fagleg kompetanse i praksis.
• Kritisk vurdere eige praksisopphald.

Generell kompetanse

• Skrive faglege forankra tekstar basert på behovet til arbeidsgjevar.
• Kommentere og gi tilbakemelding på skriftleg arbeid.
• Tileigne seg profesjonsrolle.
• Planlegge og gjennomføre ein munnleg presentasjon av eit større prosjekt- eller utgreiingsarbeid