Atmosfære- og havfysikk

Lågaregradsemne

Studiepoeng
10
Undervisningssemester
Haust
Emnekode
GEOF105
Talet på semester
1
Undervisningsspråk
Norsk
Ressursar

Emnebeskrivelse

Mål og innhold

Grunnleggjande eigenskapar i meteorologi, oseanografi og kjemisk oseanografi blir gjennomgått. Vekselverknad mellom hav og atmosfære, som utgjer ein viktig del av klima, blir diskutert. Studentane vil rekne på sjøvatnet sine fysiske og kjemiske eigenskapar, havet sin sirkulasjon, blandingsprosessar, tidevatn og ulike bølgjefenomen. For atmosfæren vert det lagt vekt på grunnleggande termodynamikk, skyfysikk og grunnprinsippa i stråling. Bakgrunn for turbulens i hav og atmosfære og beskriving av grenselaga mellom hav og atmosfære blir gitt. Geostrofisk kraftbalanse, termalvind, bølgelikning, vindstresskvervling og Ekman-lag blir presentert. Som ein del av emnet vil studentane delta i meteorologisk feltarbeid, utføre labeksperiment og bli introdusert til bruk av oseanografiske måleinstrument. I kurset skal studentane utarbeide vêrvarsel. Det vert gjeve introduksjon til programmering for løysing av enkle geofysiske problem og for visualisering av resultat.

Læringsutbytte

Etter fullført emne skal studentane kunne:

- forstå og kommunisere fagterminologi, og beskrive og kommunisere sentrale prosessar for klimaet på jorda

- berekne sjøvatnet sine underliggjande kjemiske og fysiske eigenskapar

- gjengi ei grei forklaring på forenkla modellar for havets sirkulasjon, f.eks. geostrofisk straum og Ekmantransporten

- gi en grei forklaring på tidevasskraft

- relatere grunnleggjande fysiske lover til vêrsystem og atmosfæren sin struktur

- løyse enkle problem innan dynamisk og fysisk meteorologi og oseanografi

- skille mellom molekulære og turbulente blandningsprosessar

- gi en grei forklaring på ulike begreper knytt til bølgeutbreiing, for eksempel dispersjon, demping, refraksjon og interferens

- skille og klassifisere ulike typer av hav- og atmosfaerebølger

- utføre meteorologiske observasjonar og enkle labeksperiment

- samanfatte og analysere resultat frå labeksperimenta

- utarbeide vêrvarsel

- nytta programmeringsverktøy for analyse av data og generering av figurar

Undervisningssemester

Haust

Undervisningssted

Bergen
Krav til forkunnskaper
GEOF100
Anbefalte forkunnskaper
MAT111, MAT112, MAT121, MAT131, PHYS111 (som ein kan lese parallelt)
Krav til studierett
For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev. opptakskrav.
Obligatorisk undervisningsaktivitet
Delta i introduksjon til programmering, utarbeide vêrvarsel, delta i meteorologisk felteksperiment, delta i introduksjon til oseanografiske instrument og godkjend laboratorierapport
Vurderingsformer
Slutteksamen, skriftleg, 5 timar. Må ha godkjend laboratorierapport for å gå opp til slutteksamen. Dersom færre enn 10 påmelde, kan det bli munnleg eksamen. Kalkulator i tråd med retningslinjene til fakultetet.
Karakterskala
Ved sensur av emnet vert karakterskalaen A-F nytta.
Vurderingssemester
Det er ordinær eksamen kvart semester
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.

Emnebeskrivelse

Kontaktinformasjon

Forelesar og administrativ kontaktperson finn du på Min side, kontakt ev studiekonsulenten på instituttet.
Geofysisk institutt