Innføring i geovitskap

Mål: Emnet har som mål å gje ei innføring i jordas struktur, oppbygnad og prosessar, frå jordas sentrum og til overflata. Emnet gjev ei grunnleggjande innføring i dei mest sentrale delane av geologifaget samt innsikt i jordas oppbygnad, dei viktigaste grunnstoffa, mineral og bergartar på jorda. Vidare har emnet som mål å gje ei forståing av jordas prosessar, og samspelet mellom dei ulike prosessane, som verkar og har verka for å forme jorda og dei ulike landformene.

Innhald: Geologi omhandlar jordas indre oppbyggnad og prosessar, samt dei landformene og prosessane som er aktive og verkar på jordas overflate. Undervisninga gjev ei kort innføring i seismologi, geomagnetisme, klassifikasjon av bergartar og mineral, vulkansk og magmatisk aktivitet, jordskjelv, omdanning (metamorfose) og deformasjon av jordskorpa, samt platetektonikk. Videre tek undervisninga for seg forvitring, masserørsle, erosjon og transport og avsetjing av sediment, danning av sedimentære bergartar, samt danning og nedbrytning av ulike landformer.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar 

Studenten

• kan forklare jordas oppbygging og sammensetning, samt dei grunnleggjande geologiske prosessesane som har forma jorda
• kan forklare sentrale geologiske omgrep, definisjonar og teorier (f.eks. mineraler, bergartar, platetektonikk, orogenese)
• kan definera, klassifisera og skildra sediment, mineral, bergartar og deira opphav
• kan diskutere korleis ulike typar prosessar (f. eks. platetektonikk, erosjon, sedimentasjon) virkar og samvirkar på jorda, og kva mineral, bergartar og landformer som resulterer frå desse prosessane (f. eks. sedimentære basseng og fjellkjeder)
• kan diskutere samanhengen mellom årsak og verknad for ulike geologiske prosessar (f. eks. drivkrefter for platebevegelser)

Ferdigheiter 

Studenten

• kan tolka (lese og forklara) grafar og figurar med geologiske data
• kan oppsummera enkle observasjonar/data/prinsipp grafisk
• kan gjenkjenna og diskutera ulike geologiske miljø, landskapsformer og prosessar
• kan gjennomføra enkle søk etter relevant geovitenskapleg litteratur, samt nytta korrekt kjelde vising

Generell kompetanse 

Studenten

• kan nytte eit presist geologisk fagspråk til å skildre og diskutera geologiske prosessar og hendingar
• kan demonstrera evne til å fungera individuelt, i samarbeid med andre
• kan erkjenna, vurdera og kommunisera menneske si rolle i geosystemet, og vår bruk av og innverknad på geosystemet.

Haust

Emnet har eit avgrensa tall på plassar og inngår i undervisningsopptaket. Meir info: www.uib.no/nt/53575/undervisningsopptaket-ved-nt-fakultetet