Ressursbaserte tilnærmingar til helse og velvære

Dette emnet introduserer og utforskar ulike tilnærmingar til forståinga av positiv helse og velvære. Det er forankra i helsefremjande arbeid og har hovudfokus på positive, heilskaplege og ressursbaserte teoriar og tilnærmingar til helse.

Studentane vil lære å kritisk vurdere ulike teoriar og tilnærmingar til helse. Studentane vil òg lære å analysere konsekvensar av ulike teoriar og tilnærmingar til helse i ulike kontekstar.

Ved fullføring av dette emnet skal studentane ha følgjande læringsutbytte definert i form av kunnskap, ferdigheiter og generell kompetanse:

Kunnskap:

Studenten

• har avansert kunnskap om ulike definisjonar av helse og velvære i eit mangfaldig kontekst.
• har djupnekunnskap om ulike teoriar og konseptuelle rammeverk med eit ressursbasert perspektiv, med fokus på utvikling av helse framfor førebygging av sjukdom.
• har grundig forståing av tilnærmingar til bruk av ressursbaserte perspektiv på helse i praksis.

Ferdigheiter:

Studenten

• kan samanlikne og kritisk vurdere ulike tilnærmingar til definisjon av helse og helseutvikling.
• kan kritisk analysere konsekvensane av å bruke bestemte helseforståingar i spesifikke situasjonar.
• kan på eit teoretisk grunnlag velje ei relevant tilnærming til helse for ulike situasjonar ein møter i praksis.
• kan analysere tilfelle frå eit ressursbasert perspektiv.

Generell kompetanse:

Studenten

• kan samanhengande og kritisk kommunisere idear om helse og velvære.
• kan analysere og bruke kunnskapsteoriar som er relevante for helse og velvære som eit akademisk felt.