Innføring i historie

Emnet tek sikte på å gje ei innføring i historie som universitetsfag og gi studentane innsikt i korleis historikarar arbeider. Det legg særleg vekt på å tydeleggjera kva som kjenneteiknar historia som vitskapleg disiplin, og å reflektera kring kva som skil universitetsfaget historie frå den historia ein møter i andre samanhengar - til dømes som undervisningsfag i skulen, som argument i den politiske diskusjonen eller som eit utgangspunkt for fiksjon og drama.

Studentane blir kjent med historiske ferdigheiter som å lese forskingslitteratur, stille kjeldekritiske spørsmål mot primærkjelder og skrive akademiske oppgåver.

Emnet er ikkje del av spesialiseringa i historie, men vert tilrådd for alle studentar som vil spesialisera seg i historie.

Emnet er obligatorisk for alle som følgjer lektorprogrammet i historie og religionsvitskap med historie som fag 1.

Studenten skal ved avslutta emne ha følgjande læringsutbytte definert i kunnskap og ferdigheiter:

Kunnskap

Studenten

• har kunnskap om kva som kjenneteiknar historie som universitetsfag
• har ei forståing for kvifor syn på historie endrar seg og kvifor det kan oppstå fagleg usemje blant historikarar.
• har kunnskap om korleis historie har blitt brukt og vert brukt til politiske formål.

Ferdigheiter

Studenten

• har opparbeidd evne til å kritisk vurdera historiske kjelder og framstillingar.
• har tileigna seg evne i å formidla historiefagleg kunnskap skrifteleg