Italiensk tekststudium og litteraturteori

ITAL302 skal gje utvida kunnskapar om italiensk litteratur og øve opp ei kritisk og sjølvstendig forståing av problemstillingar som er knytte til studiet av litteratur. Emnet skal òg gje innsikt i nokre sentrale litteraturvitskaplege teoriar.

Emnet inneheld to komponentar: ein teoretisk og metodisk del og ein skjønlitterær del. Hovudføremålet med emnet er å presentera nokre sentrale teoriar og metodar som har relevans for italiensk litteraturvitskap. Dessutan skal det gje ein breiare kjennskap til italiensk litteratur gjennom fordjuping i utvalde litterære verk. På denne måten skal emnet gje masterkandidatane eit betre grunnlag for å velja emne og teoretisk ramme for masteroppgåva.

Ved fullført emne:

Kunnskapar

Studenten

- har kunnskap om nokre grunnleggjande teoriar innanfor moderne litteraturvitskap

- har kunnskap om metodar som er relevante for litteraturvitskaplege problemstillingar

- har spesialkunnskapar om einskilte skjønnlitterære verk, emne eller sjangrar og kjennskap til den kulturhistoriske samanhengen dei står i

Dugleikar

Studenten

- kan arbeida sjølvstendig med problemløysing på grunnlag av faglege kunnskapar

- kan drøfta den relevansen dei teoriar og metodar ein har skaffa seg innsikt i, har i høve til ei konkret problemstilling

- kan bruka på sjølvstendig måte dei teoretiske reiskapane ein har skaffa seg i tekstanalyse

Generell kompetanse

Studenten

- er i stand til å halda fram med eiga kompetanseutvikling og spesialisering på ein sjølvstendig måte