Journalistikkens praksis - II

Målet med dette emnet er at studentane etter ein lengre praksisperiode skal vera i stand til å bidra i den redaksjonelle kvardagen i eksterne redaksjonar. Studentane skal også visa evna til å vera reflekterte journalistar.

Kurset byggjer på JOU 211, Praksisførebuing. Gjennom praksis skriv studentane logg som grunnlag for praksisrapport, som skal leggast fram både skriftleg og munnleg etter avslutta periode. Her skal studentane reflektera over eigen læring i perioden.

Studentane er primært i praksis hos bedrifter i Media City Bergen, men potensielt også hos andre mediebedrifter. Praksisperioden er på 8 åtte veker.

Studenten skal ved avslutta emne ha følgjande læringsutbytte:

Kunnskap

Studenten...

• har kunnskap om korleis det er å arbeide journalistisk i ein ekstern medieredaksjon.

Ferdigheiter

Studenten...

• kan gjere sjølvstendige journalistiske vurderingar i ulike kontekstar.
• kan nytte ulike typar digitale verktøy på relevante journalistiske vis.
• kan arbeide med ulike typar stoff og på ulike plattformar i ulike typar redaksjonar.
• kan diskutere og reflektere over arbeidsprosessar som vegar til å utvikle fagleg autonomi og eit kvalifisert og sjølvstendig journalistisk skjønn innanfor gitte rammer.

Generelle kompetanse

Studenten...

• har innsikt i relevante faglege og yrkesetiske problemstillingar innan journalistikkfaget.
• kan utveksle synspunkt og erfaringar med andre som har ein bakgrunn frå fagfeltet journalistikk, og såleis bidra til å utvikle god praksis.
• kjenner til nytenking og innovasjonsprosessar innan journalistikkfaget.

Haust

(første gong våren 2029)