Kvantitativ organisk analyse

Kurset skal gje innsikt i dei vanlegaste metodikkane for kvantitative analysar av organiskesambindingar slik dei vert nytta innan felt som medisinsk forsking, i industrien, og til miljø- og matanalysar.

Teorien bak massespektrometri og analytiske separasjonsmetodar som kromatografi og elektroforese vert forklart. I tillegg vert det synt korleis forskjellege teknikkar vert kopla for å oppnå tilstrekkeleg selektivitet ved analyse av komplekse blandingar. Kurset gjer også øving i nytte av kromatografisk og massespektrometrisk utstyr.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• forstår dei grunnleggjande prinsippa for kromatografi og elektroforese.
• har kunnskap om kromatografiske separasjonsmetodar, som reversfase, normalfase, ionekromatografi og gasskromatografi
• kjenner virkemåten til moderne kromatografisk utstyr.
• kjenner virkemåten til dei vanlegaste ioniseringsteknikkane i massespektrometri.
• kjenner virkemåten til moderne massespektrometrisk utstyr.
• forstår korleis koblede teknikker og tandem massespektrometri vert nytta for å auke selektivitet.

Ferdigheiter

Studenten

• kan velje egna separasjonsprinsipp for gitte analyttar og prøvetypar.
• kan vurdere kvaliteten av ein kromatografisk separasjon og foreslå tiltak for å betre den.
• kan velje egna massespektrometriske vilkår for gitte analyttar og prøvetypar.

Generell kompetanse

Studenten

• kan nytte strategiar for optimalisering.
• kan konkretisere og verifisere teoretisk kunnskap ved hjelp av eksperiment