Praktisk pedagogisk utdanning 4

Mål

Emnet har som mål å gje studentane ei solid pedagogisk og didaktisk forståing som førebur dei på å undervise og reflektere over læringsprosessar i kunst- og musikkpedagogiske praksisar. Emnet har særleg fokus på praksis i vidaregåande skule og ensemble (musikk).

Emnet skal fremje studentane si evne til å tilpasse undervisninga til ulike sosiale og kulturelle kontekstar, og bidra til utvikling av profesjonell kompetanse som inkluderer kritisk refleksjon og etiske vurderingar knytt til utdanninga si rolle i samfunnet

Innhald

Emnet tek opp tema som:

• Pedagogisk grunnlagstenking
• Nyare perspektiv på pedagogikk
• Demokrati, deltaking og fellesskap
• Digitalitet
• Identitetsutvikling og perspektiv på kjønn
• Barne- og ungdomskultur
• Kunstfagpedagogikk
• Estetikk i pedagogikken
• Estetikk og læring
• Visuell kultur i skulen (Kunst og Design)
• Didaktisk lab (Kunst og Design)
• Musikkpedagogisk grunnlagstenking (musikk)
• Nyare perspektiv på musikkpedagogikk (musikk)
• Ensembledidaktikk (musikk)

Studenten skal ved avslutta emne ha følgjande læringsutbyte:

Kunnskap

Studenten...

1. har brei kunnskap om undervisning og læring i vidaregåande opplæring og andre relevante kunst- og musikkpedagogiske verksemder
2. har djup fagdidaktisk og pedagogisk kunnskap for relevante kunstpedagogiske praksisar
3. har brei kunnskap om barne- og ungdomskultur
4. har breikunnskap om utviklinga og læringa til barn og ungdom i ulike sosiale og kulturelle samanhengar
5. har kunnskap om korleis kunstfag er knytt til identitetsskapinga hjå barn og unge
6. har brei kunnskap om og forståing for eit felles verdigrunnlag om demokrati, berekraftigutvikling, likestilling og likeverd

Dugleikar

Studenten...

1. kan, med utgangspunkt i gjeldande læreplanar og vedtekter, planleggje, gjennomføre, vurdere og reflektere over undervising i vidaregåande opplæring og andre relevantekunst- og musikkpedagogiske verksemder
2. har medvit om spørsmål knytt til medborgarskap i utøvande og skapande undervisning og læring
3. kan byggje relasjonar til elevar og føresette, og samarbeide med aktørar som er relevante for skuleverket

Generell kompetanse

Studenten...

har ei profesjonell haldning, og kan reflektere kritisk over kunstfaglege, profesjonsetiske og utdanningspolitiske spørsmål