Historiografi og teori

Emnet er ei teoretisk og historiografisk fordjuping i kunsthistoria som fagdisiplin og i studiet av visuell kultur.

I emnet tek ein opp utvalde teoriar og tema hos sentrale forfattarar i kunsthistorisk vitskapshistorie, og sentrale tolkingsproblem i kunsthistorisk forsking.

Val av tematisk tyngdepunkt vil variera frå semester til semester.

Emnet tek sikte på å gje studentane generell teoretisk og historiografisk kompetanse.

Kunnskapar

Etter fullført emne har studenten

• avanserte kunnskapar om utvalde tema innanfor kunsthistoria og visuell kultur
• avanserte kunnskapar om, og kan gjere greie for kunsthistoriografiske teoriar og metodar
• god forståing for vitskapsteoretiske problemstillingar i kunsthistoriefaget og studiet av visuell kultur.

Ferdigheiter

Etter fullført emne kan studenten

• samanlikne og vurdere ulike kunsthistoriografiske standpunkt
• analysere ein kunsthistorisk tekst ut frå historiografiske perspektiv
• utøve kunsthistorisk kjeldekritikk
• definere og kritisere ulike teoretisk posisjonar
• drøfte ulike måtar å framstille kunsthistoriske tema på
• identifisere og gjere bruk av argumentasjonsmåtar og framstillings- og dokumentasjonsteknikkar i kunsthistorisk forsking i dag og studiet av visuell kultur

Generell kompetanse

Etter fullført emne skal studenten

• kunne skrive større sjølvstendige analytiske tekstar i tråd med normer og reglar for akademisk skriving
• ha erfaring med å arbeide sjølvstendig med akademiske spørsmål
• ha erfaring med å delta i faglege diskusjonar og å presentera eit stoff munnleg.