Vidareutdanning i ultralyd av muskelskjelett

Mål: 

Emnet har som hensikt å utdanna og trena autorisert helsepersonell til å bruka og forstå diagnostisk ultralyd av muskelskjelettapparatet. Etter gjennomført kurs skal studenten forstå ultralydanatomi og kunne framstilla kvalitativt gode ultralydbilete av over- og underekstremitetar som deretter blir tolka saman med den kliniske undersøkinga og utgjera ei fullstendig diagnostisk undersøking. Studenten skal kunna bruka og vidareutvikla kunnskap og ferdigheiter i ein klinisk kvardag. Emnet vektlegg tverrfagleg læring og samarbeid, og har som mål å styrkja diagnostisk presisjon, pasienttryggleik og effektiv ressursbruk i primærhelsetenesta. 

Innhald: 

• Innføring i ultralydfysikk 

• Korrekt bruk av ultralydapparatet og forståing for snittbilete og romtenking ut frå dei todimensjonale bileta 

• Bruk av anerkjende algoritmar for framstilling av ultralydbilete i over- og underekstremitetar. 

• Demonstrera normalanatomi i over- og underekstremitetar 

• Oppdage/ kjenna igjen patologi i over- og underekstremitetar på ultralydbileta. 

• Formulering av gode journalrapportar frå biletopptak. 

• Formidling av funn til pasientar og samarbeidspartnarar på ein etisk og profesjonell måte. 

• Studentbasert rettleiing i grupper 

Kunnskapar: 

Etter gjennomført emne har studenten dei følgjande kunnskapane, ferdigheitene og generelle kunnskapane. 

Studenten: 

• har avansert kunnskap om prinsipp for muskelskjelettultralyd og kan kritisk analysera og vurdera tolkingar av ultralydfunn i lys av oppdatert forsking og litteratur 

• har inngåande og integrert forståing av relevant anatomi for å kunna identifisera patologi i musklar, sener, ledd, nervar og bein i over- og underekstremitetar ved bruk av ultralyd 

• har grundig kunnskap om juridiske, etiske og profesjonelle rammer for bruk av ultralyd i primærhelsetenesta, inkludert informasjonsplikt, dokumentasjon og samarbeid med anna helsepersonell 

• har avansert kunnskap om muskelskjelettplager og tilstandar som eignar seg for ultralyddiagnostikk, og kan vurdera dei diagnostiske nytta og avgrensingane til metoden i forhold til andre biletmodalitetar 

Ferdigheter: 

Studenten: 

• kan planleggja, gjennomføra og kritisk vurdera systematiske ultralydundersøkingar av normal anatomi i øvre og nedre ekstremitetar 

• kan produsera ultralydbilete av høg kvalitet gjennom korrekt apparatinnstilling og teknisk presisjon 

• kan identifisera normale og patologiske funn, formulera diagnostiske hypotesar og grunngi val av vidare tiltak 

kan analysera og evaluera eigne ultralydbilete med tanke på artefakt, biletforvrengingar og tekniske feil, og forklara årsaker og moglege forbetringar 

• kan kommunisera ultralydfunn presist, reflektert og etisk forsvarleg til pasientar og anna helsepersonell, både munnleg og skriftleg 

Generell kompetanse 

Studenten: 

• kan bruka avansert kunnskap om normalitet og patologi til å utvikla og grunngi diagnostiske hypotesar og behandlingsstrategiar 

• kan kritisk reflektera over eiga fagutøving og demonstrera sjølvstendig vurderingsevne i tolking og bruk av ultralyd i klinisk praksis 

• kan utvikla, bruka og kritisk evaluera undersøkingsprotokollar for utvalde muskelskjelettregionar, og tilpassa desse i tråd med gjeldande forsking og retningslinjer 

• kan bidra til fagutvikling og kvalitetssikring av ultralydbruk i primærhelsetenesta gjennom systematisk refleksjon, samarbeid og kunnskapsdeling 

• kan samarbeida tverrfagleg for å sikra forsvarleg diagnostikk, pasientflyt og pasienttryggleik ved bruk av ultralydkunnskapar.