Introduksjon til medier og kommunikasjon: Fagtradisjoner, teoriar og akademisk skriving

Våre liv og våre samfunn er gjennomsyra av media. Få område er urørt av mediene si formidling, dei spelar ei viktig rolle i daglegliv, samfunnsliv og arbeidsliv.

Dette emnet introduserer medier og kommunikasjon som eit fagfelt i skjeringspunktet mellom samfunnsfag og humanistiske fag. Emnet introduserer medievitskapen ved å ta føre seg aktuelle spørsmål om medieteknologiar og kommunikasjonsformer, mediebruk og påverknad, media og demokrati, tekst, kultur og identitet, og viser korleis samfunnsvitskaplege og humanistiske tenkjemåtar kan nyttast for å forstå desse spørsmåla.

Emnet gjev ei innføring i akademisk skriving og praktisk trening i dette. Undervisninga inkluderer forelesningar, seminar og temadagar.

Emnet er sterkt tilrådd i første semester på bachelorgraden i medier og kommunikasjon.

Studenten skal ved avslutta emne ha følgjande læringsutbyte definert i kunnskapar og ferdigheiter:

Kunnskapar

Studenten...

• har kunnskap om modellar og perspektiv på forholdet mellom avsendarar, medietekstar og mottakarar i ein kommunikasjonsprosess.
• har kunnskap om medievitskapen si plassering mellom humaniora og samfunnsvitskap, samt kunnskap om sentrale samfunnsvitskaplege og humanistiske teoriar og fagtradisjonar i disiplinen
• har kunnskap om akademiske sjangre og skrivemåtar

Ferdigheiter

Studenten...

• kan gjere greie for sentrale medievitskaplege teoriar, perspektiv og omgrep
• kan gjere greie for tekstlege konvensjonar i sentrale akademiske sjangrar
• kan gjere greie for normer for sitering og referanseteknikkar i akademiske tekstar