Introduksjon til medier og kommunikasjon: Metode

Våre liv og våre samfunn er gjennomsyra av media. Få område er urørt av media si formidling, dei spelar ei viktig rolle i daglegliv, samfunnsliv og arbeidsliv. Korleis vert kunnskap om media og deira rolle i samfunnet til? Korleis vert data samla inn og analysert? Korleis finn vi svar på dei spørsmåla vi stiller?

Metodar er framgangsmåtar for å finne gode svar. Dette emnet gjev ein introduksjon til sentrale forskingsmetodar i fagfeltet. Media og kommunikasjon er tverrfagleg og nyttar metodar frå både samfunnsvitenskap, humaniora og teknologifag.

Emnet gjev ein introduksjon til kva metode er. Du lærer om kvalitative og kvantitative data, og om ulike metodar som vert nytta til å studere til dømes mediebransjen, medieinnhald, mediebruk, og folks haldningar og oppfatningar. Du får innsikt i korleis ulike metodar kan kaste lys over viktige spørsmål om media i samfunnet og i den digitale kvardagen.

På emnet blir du introdusert for metodar og tankemåtar du vil få fordjuping i seinare på studiet. Undervisninga inkluderer praktiske øvingar.

Studenten skal ved avslutta emne ha følgjande læringsutbyte definert i kunnskapar og ferdigheiter:

Kunnskapar

Kandidaten

• har kunnskap om kva metode er og kva rolle den har i faget
• har kjennskap til sentrale kvalitative metodar i fagfeltet, som intervju, spørjeskjema, og tekstanalyse
• har kjennskap til kvantitative og kvalitative data nytta i faget
• har kjennskap til utfordringar og moglegheiter ved digitale data nytta i fagfeltet

Ferdigheiter

Kandidaten

• kan vurdere om ulike metodar er eigna for å studere eit gjeve mediefenomen og forskingsspørsmål
• kan identifisere kva slags metodar som er brukt i undersøkjingar av media og kommunikasjon
• kan attgje hovudstega i spørjeskjema- og intervjumetode
• kan attgje sentrale omgrep i kvantiativ innhaldsanalyse og kvalitativ forteljeanalyse