Andrespråkslæring- og undervisning for integrert lektorutdanning

Emnet har som mål å gje kunnskap om korleis ein lærer eit andrespråk, og om på kva måte læringsprosessen kan påverkast positivt gjennom undervisning. Emnet omfattar både språklæringsteoretiske og didaktiske aspekt ved andrespråkslæring.

Andrespråkslæring er eit komplekst fenomen som omfattar språklege, kognitive og sosiale prosessar, og som vert studert frå ulike teoretiske tilnærmingar. Emnet gir ei innføring i dette teoretiske mangfaldet. Trekk ved språket til innlærarane og analyse av innlærarspråk har også ein sentral plass i emnet. Vidare tar emnet opp didaktiske aspekt knytt til rammevilkår for andrespråksundervisning, der elevens fleirspråklege situasjon er eit viktig utgangspunkt. Det vert teke opp korleis andrespråksundervisninga vert implementert for ulike målgrupper, ulike føremål og ulike skuleslag, med vekt på opplæringssituasjonen i Noreg. Her kjem ein inn både på ulike modellar for undervisningsorganisering og grunnleggjande undervisningsmetodiske prinsipp (praktisk metodikk fell utanfor).

Ein student som har gjennomført emnet, skal ha følgande læringsutbyte:

Kunnskap:

Studenten

• har innsikt i kva som karakteriserer innlærarspråk
• har innsikt i ulike teoretiske tilnærmingar til andrespråkslæring
• har innsikt i andrespråkdidaktiske spørsmål
• har innsikt i fleirspråklegheit i opplæring

Dugleik:

Studenten

• kan analysere innlærarspråk
• kan gjere greie for ulike teoretiske tilnærmingar til andrespråkslæring
• kan reflektere over val av innfallsvinkel i andrespråksundervisninga
• kan reflektere over andrespråkslæring og andrespråksundervisning i lys av eleven sin fleirspråklege situasjon
• kan kritisk analysere og drøfte retningslinjer og styringsdokument som gjeld språkopplæring for elavar med norsk som andrespråk

Generell kompetanse:

Studenten

• har tileigna seg eit språklæringsteoretisk og didaktisk kunnskapsgrunnlag for å kunne undervise i norsk som andrespråk og vurdere undervisningstilbod for andrespråkslæring på ein reflektert, sjølvstendig og medviten måte