Særemne i norsk som andrespråk

Det tematiske innhaldet på emnet vert definert av studenten sjølv, i samråd med ein faglærar. Det kan føre vidare eit tema som er introdusert i andre delar av studiet, eller det kan ta opp ein annan deldisiplin knytt til norsk som andrespråk ev. av tverrfagleg art. Det er ein føresetnad at litteraturen er på eit plan som passar for 300-nivået. Det er ein fordel, men ingen føresetnad, at studiet vert knytt opp mot eit fagleg seminar, ei forskargruppe eller liknande. Det er studenten sjølv som har ansvaret for å sette seg i kontakt med ein faglærar, for å finne eigna pensumlitteratur og for å etablere eigna praktiske rammer for gjennomføringa av studiet.

Pensumet skal tilsvare om lag 1000 sider av normal vanskegrad

Studenten har spesialisert innsikt i og forståing av det aktuelle feltet innanfor norsk som andrespråk.

Studenten kan nytte kunnskapar og dugleik til å greie ut om, analysere og drøfte aktuell empiri, metode og teori.