Skulens læringsmiljø

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten …

• har kunnskap om sentrale pedagogiske og psykologiske perspektiv på det psykososiale læringsmiljøet
• har kunnskap om korleis relasjonar, motivasjon, meistring, stress og resiliens påverkar barn og unge si psykiske helse og trivsel
• har kunnskap om samanhengar mellom læringsmiljø, trivsel og elevar si læring og utvikling
• kjenner til opplæringslova, LK20 og utdanningspolitiske føringar knytte til skulemiljø, elevane sine psykososiale rettar og elevmedverknad
• har kunnskap om prinsipp for helsefremjande og førebyggjande arbeid i skulen, inkludert tverrfagleg samarbeid og betydninga av klasseleiing og skuleleiing som del av skulen sitt systemarbeid

Ferdigheiter

Studenten …

• kan bruke pedagogiske og psykologiske teoriar til å analysere elevar si motivasjon, meistring, relasjonar og trivsel
• kan vurdere og drøfte korleis læringsmiljø, klasseleiing, skuleleiing og elevmedverknad påverkar elevar si psykiske helse
• kan identifisere risikofaktorar og beskyttande faktorar i det psykososiale læringsmiljøet
• kan drøfte læraren sitt profesjonelle ansvar knytt til førebyggjande og helsefremjande arbeid
• kan bruke teori for å forstå og handtere utfordringar knytte til stress, motivasjonssvikt, mistrivsel og mobbing

Generell kompetanse

Studenten …

• kan reflektere over korleis skulen kan fremje psykisk helse og førebyggje psykososiale utfordringar
• kan diskutere skulemiljø og psykisk helse i lys av pedagogiske, psykologiske og utdanningspolitiske perspektiv
• kan sjå lærarrolla i samanheng med skulen sitt heilskaplege arbeid med trivsel, motivasjon og læringsmiljø, inkludert elevmedverknad og skuleleiing som del av systemnivået
• kan vurdere korleis tverrfagleg samarbeid kan støtte elevar si helse, trivsel og læringsutvikling