Kunnskap og kunnskapsprosessar
Masteremne
- Studiepoeng
- 15
- Undervisningssemester Vår
- Emnekode
- PED323
- Talet på semester
- 1
- Undervisningsspråk
- Norsk.
- Ressursar
- Timeplan
Emnebeskrivelse
Mål og innhold
Siktemålet med emnet er at studentane utviklar djupare forståing for ulike kunnskapsformer og korleis kunnskap utviklast og delast i ulike kontekster. Emnet vil ha fokus på kunnskapsprosessar i utdanningsinstitusjonar, organisasjonar og arbeidsliv, og ved hjelp av teknologi. Studentane skal også få forståing for samanhengen mellom språk, makt, kunnskap og læring. Vidare vil emnet gje innsikt i aktuelle utdanningspolitiske og utdanningssosiologiske problemstillingar.
Læringsutbytte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten...
- har inngåande kunnskap om og kan analysere kunnskapsomgrepet, ulike kunnskapsformer og korleis kunnskap kan utviklast og delast i ulike kontekster
- har inngåande kunnskap om ulike måtar å forstå samanhengen mellom kunnskap, læring, makt og språk
- har inngåande kunnskap om og kan diskutere forholdet mellom relasjonelle, dialogiske, kollektive og samspelsorienterte tilnærmingsmåtar og meir individorienterte perspektiv på kunnskapsutvikling og kunnskapsdeling
Ferdigheiter
Studenten...
- kan kritisk analysere sentrale utviklings- og utdanningspolitiske trekk ved dagens samfunn og drøfte moglege implikasjonar for utdanning, danning og kunnskapsutvikling
- kan analysere, drøfte og kritisk reflektere over faglege, praktiske og etiske konsekvensar som ulike syn på kunnskap, læring, makt og språk har for utdanning og anna pedagogisk verksemd på ulike læringsarenaer og ved bruk av digital teknologi
- kan analysere, drøfte og kritisk reflektere over ulike syn på kunnskap, læring, makt og språk, og dei faglege, praktiske og etiske konsekvensane for utdanning og anna pedagogisk verksemd på ulike læringsarenaer og ved bruk av digital teknologi
Generell kompetanse
Studenten...
- meistrar ulike akademiske skriftlige framstillingsmåtar
- kan gje faglege og konstruktive tilbakemeldingar på andre studentars tekster
- kan kommunisere om faglege problemstillingar både med fagfolk og med ufaglærte
Fulltid/deltid
Deltid.
Studiepoeng, omfang
Emnet har eit omfang på 15 studiepoeng og er normert til eit semester.
Studienivå (studiesyklus)
Master.
Undervisningssemester
Vår, annakvart år.
Undervisningssted
Studiet er nettbasert, men i starten av kvart semester blir det vanlegvis arrangert ei samling i Bergen.
Krav til forkunnskaper
Ingen.
Studiepoengsreduksjon
Ingen
Krav til studierett
Emnet er ope for alle med studierett på masterprogram i pedagogikk deltid (nettbasert)
Arbeids- og undervisningsformer
Samlingsbasert
Obligatorisk undervisningsaktivitet
Tekstar produsert gjennom semesteret skal nyttast til mappe som vurderas som eksamen.
Vurderingsformer
Ei mappe som inneheld:
- To oppgåvetekster
- Eit argumentasjonsnotat
- Eit læringsnotat
- Ein drøftingstekst
Mappa blir vurdert i sin heilskap
Karakterskala
Ved sensur av emnet nyttast karakterskalaen A-F.
Vurderingssemester
Vår, annakvart år. I særskilte høve kan fakultetet gje tilbod om vurdering i det påfølgande haustsemesteret.
Litteraturliste
Litteraturlista vil vere klar innan 01.07. for haustsemesteret og 01.01. for vårsemesteret.
Litteraturlista er på 1000 sider (+/- 10 %). Delar av litteraturen kan vere tilgjengeleg i form av eit kompendium.
Emneevaluering
Studentane skal evaluere undervisninga i tråd med UiB sitt kvalitetssikringssystem. Evalueringa er nettbasert.
Programansvarlig
Institutt for pedagogikk.
Emneansvarlig
Institutt for pedagogikk.
Administrativt ansvarlig
Det psykologiske fakultet v/ Institutt for pedagogikk har det administrative ansvaret for emnet og studieprogrammet.