Eksperimentelle metodar i romfysikk

Mål: Emnet skal

• gje studentane innsikt i dei fysiske prinsippa for måling av ulike parametrar som blir brukt til å studere fenomen og prosessar i det nære verdsrommet.
• gje studentane trening i å tolke relevante målingar frå bakken og frå romsondar for å kunne beskrive signaturane til eit nordlysutbrot eller ein geomagnetisk storm.

Innhald: Emnet behandlar diverse eksperimentelle metodar og instrument i romfysikk, mellom anna instrumentberarar, satellittmekanikk, strålingsdetektorar, måling av magnetfelt på bakken og i rommet, radiometodar og optiske målingar. Emnet gir innsikt i instrumentering og tolking av målingar i romfysikk.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har oversikt over fysiske parametrar som beskriv fenomen og prosessar i sol-jord systemet
• har inngåande kunnskap om prinsipp for måling av utvalte parametrar i rommet, ionosfæren og på bakken
• kan vurdere fordelar og avgrensingar ved utvalde eksperimentelle metodar i romfysikk

Ferdigheiter

Studenten

• kan hente og systematisere sanntidsmålingar frå romsondar og bakkeobservatorium under eit nordlysutbrot eller ein geomagnetisk storm
• kan tolke dei innsamla målingane

Generell kompetanse

Studenten

• kan arbeide i ei gruppe med analyse av samtidige målingar frå fleire romfysikkeksperiment
• kan praktisere norm for akademisk skriving av ein forskingsrapport