Psykologiens og psykologprofesjonen si historie

Emnet skal gje studentane ei innføring i psykologien og psykologprofesjonens sitt historiske opphav og utvikling som vitskapleg og anvend disiplin, samt gje ei innføring i sentrale namn, hovudtradisjonar og spørsmål knytt til psykologi som vitskap og profesjonell praksis.

Psykologiens historie

Studenten vil få ei innføring i psykologiens idéhistoriske røter, og framveksten av den første eksperimentalpsykologien. Hovudvekta ligg på å få oversikt over psykologiens hovudtradisjonar som praksisdisiplin og vitskap og praksisdisiplin, og utviklinga fram til i dag. Studentane får ei grunnleggjande innføring i forholdet mellom akademisk og anvend psykologi, og den internasjonale og nasjonale framveksten av psykologprofesjonen. Studentane får ei innføring i historiske og fagkritiske perspektiv på psykisk helse, psykologisk behandling og psykiske lidingar, psykologprofesjonens samfunnsrolle og utviklinga av evidensbasert psykologisk praksis. Studentane får også praktisk innføring i akademisk skriving og utforme ei akademisk oppgåve om tema innanfor psykologiens historie.

Kunnskapar

Ved fullført emne kan studenten ...

• greie ut om den historiske utviklinga av psykologi som vitskapleg disiplin og profesjon
• kjenne til psykologiens filosofiske historiske røter, psykologifaget sitt opphav og etablering som sjølvstendig vitskapleg disiplin
• greie ut om sentrale namn og bidrag i psykologiens historie, og korleis dei blir vurderte i dag
• greie ut om psykologiens hovudtradisjonar og framveksten av den nasjonale og internasjonale psykologprofesjonen
• greie ut om sentrale spørsmål og debattar i psykologiens historie
• greie ut om historiske perspektiv på psykiske lidingar og psykologisk behandling
• greie ut om historiske og kritiske perspektiv på psykologprofesjonen og psykologens samfunnsansvar
• kjenne til referanse- og kjeldebruk i akademisk skriving

Ferdigheiter

Ved fullført emne kan studenten ...

• analysere og reflektere kritisk rundt samtidas psykologiske teoriar, diskursar og praksis, og plassere desse i ein historisk kontekst
• stille seg kritisk og reflekterande til vitskap generelt og til psykologisk kunnskap og profesjonsutøvinga spesielt
• beskrive kjenneteikn ved psykologiens idéhistoriske røter i filosofi
• beskrive og diskutere sentrale kjenneteikn ved dei ulike psykologiske (skule-)retningane, samt beskrive likskapar og skilnader mellom desse med omsyn til innhald, metodebruk og menneskesyn
• beskrive og diskutere sentrale namn og deira bidrag
• beskrive og diskutere historiske perspektiv på psykiske lidingar og psykologisk behandling
• kunne skrive ei akademisk oppgåve

Generell kompetanse

Ved fullført emne kan studenten ...

• analysere psykologifagets historiske forankringar og derigjennom bidra til nytenking i faget
• reflektere rundt sentrale problemstillingar innan psykologiens historie,
• reflektere rundt sentrale problemstillingar i psykologprofesjonens historie
• beskrive og diskutere historiske perspektiv på psykiske lidingar og psykologisk behandling
• reflektere kritisk rundt sentrale namn, tradisjonar og spørsmål i psykologiens historie
• kunne skrive akademiske oppgåver med bruk av ulike kjelder