Profesjonsforberedende 1 - Psykologrolle og psykisk helse

Emnet gir ei brei innføring i psykisk helse, behandling, fagetikk og psykologrolla i samfunnet.

Studentane skal tileigne seg grunnleggjande forståing for ulike psykiske lidingar, prinsipp for behandling, profesjonsetiske utfordringar, samt samfunnsmessige og kontekstuelle rammer for psykologyrket.

Det blir lagt vekt på integrert helseforståing og bruk av psykologisk kunnskap på både individ-, gruppe- og systemnivå. Dette inkluderer førebygging, folkehelse og primærhelsetenesta, samt psykologen si rolle i møte med somatiske sjukdommar og kriser.

Emnet gir slik ei heilskapleg innføring i psykologrolla, legg eit grunnlag for vidare læring i klinisk psykologi, helsepsykologi og samfunnspsykologi, og gir samtidig ein profesjonsnær kontekst for dei psykologiske basaldisiplinane.

Kunnskap

Etter fullført emne kan studenten...

• gjengi og diskutere sentrale kjenneteikn ved psykisk helse i eit livsløpsperspektiv, ulike psykiske lidingar, og korleis desse kan forståast og behandlast
• gjengi og diskutere psykologen si rolle, ansvar og funksjon i helsevesenet og samfunnet
• gjengi og diskutere etiske retningslinjer, lover og forskrifter for psykologar i Noreg
• gjengi og diskutere tydinga av kontekstuelle, samfunnsmessige og kulturelle faktorar for psykisk helse og behandling
• gjengi og diskutere sentrale teoriar og arbeidsmetodar innan førebyggjande og helsefremjande psykologisk arbeid

Ferdigheiter

Etter fullført emne kan studenten...

• nytte relevante psykologiske omgrep, modellar og perspektiv i forståinga av psykisk helse og kliniske problemstillingar
• vurdere førebyggjande og helsefremjande tiltak på individ-, gruppe- og systemnivå
• identifisere, reflektere over og handtere etiske dilemma i klinisk arbeid og forsking
• reflektere over eigne behov for sjølvivaretaking og personleg utvikling som ledd i profesjonell rolleutvikling

Generell kompetanse

Etter fullført emne kan studenten...

• relatere profesjonsetiske, juridiske og samfunnsmessige perspektiv til rolla som psykolog og forskar
• analysere og reflektere kritisk over eigen fagleg og profesjonell ståstad
• vise evne til tverrfagleg samarbeid og forståing for samspelet mellom personleg, sosial og samfunnsmessig helse
• vise forståing for tydinga av menneskerettar, mangfald og brukarmedverknad i møte med pasientar og samfunn