Skule- og opplæringspsykologi

Undervisninga skal gi innføring i det ideologiske, juridiske og empiriske grunnlaget for dagens inkluderande skule og barnehage og innføring i forsking om pedagogisk-psykologiske problemstllingar. Innføringa skjer gjennom ein kombinasjon av undervisning og praksis, der studentane skal førebuast til å arbeide som psykolog med indvid og systemretta utgreiing og tiltak i den pedagogisk-psykologiske tenesta (PPT).

Tema 1: Teori (7 sp)

Undervisninga skal gi studentane kunnskap om elevar/barn med særskilte behov i skulen og barnehage. Åtferdsvanskar, språkbaserte lærevanskar og utviklingshemning vil bli spesielt vektlagt, slik at studentane kan gjere greie for diagnostiske kjenneteikn ved utviklingsforløp, komorbiditet, og organisering av og innhald i opplæringstiltak. Studentane skal også lære om arbeidsmetodar i PP-tenesta: 1) Korleis PPT kan hjelpe skulen og barnehage i arbeidet med kompetanseutvikling og organisasjonsutvikling for å legge opplæringa betre til rette for barn/elevar med særskilte behov, 2) Korleis PPT skal sørge for at det blir utarbeidd sakkunnig vurdering der lova krev det, og 3) Systemretta forebyggande arbeid i skulen.

Tema 2: Rettleia praksis (8 sp)

I praksis ved eit PPT-kontor skal studentane få ytterlegare innføring i det praktiske arbeidet i PP-tenesta og i arbeidet med kartlegging av og tiltak ovanfor elevar med vanskar. Studentane skal også få praktisk innføring i systemretta og forebyggande arbeid, i tråd med opplæringslovas bestemmelsar for verksemda ved PPT-kontor.

Kunnskapar

Ved fullført emne skal kandidaten kunne:

• gjere greie for det ideologiske og juridiske grunnlaget for tilpassa opplæring og ein inkluderande skule
• gjere greie for dei vanlegaste læringsutfordringane i barnehage og skule
• gjere greie for korleis skulen kan forebygge vanskar blant elevane, skape eit godt opplæringsmiljø, og legge forholda til rette for elevar med særskilte behov
• gjere greie for oppgåvene til den pedagogisk-psykologiske tenesta og sentrale tema som PP-rådgivaren arbeider med
• gjere greie for system- og forebyggende tiltak i skule og barnehage.
• gjere greie for dei mest sentrale psykologiske aspekta ved funksjonshemming, funksjonsnedsettingar og syndrom
• gjere greie for psykologiske aspekt knytt til tverrfagleg rehabilitering i ein skule- og opplæringskontekst.

Ferdigheiter

Ved fullført emne skal kandidaten kunne:

• gjennomføre kartlegging og utgreiing som grunnlag for val av tiltak ovanfor elevar med vanskar
• gjennomføre og tolke evnetestar med barn og unge
• anvende kunnskapane og ferdigheitene sine til dokumentasjon og kommunikasjon
• skrive rapport om kartleggingsarbeidet.
• selvstendig, og utan hjelpemidlar gjere greie for sentrale problemstillingar, kunnskapar og metodar innan emnet skole- og opplæringsspsykologi.

Generell kompetanse

Ved fullført emne skal kandidaten kunne:

• reflektere om det å ha utvikla forståing og respekt for variasjon i åtferd og evner innan elevgrupper
• reflektere om det å ha forståing og respekt for ulike profesjonars arbeid med skuleelevar
• identifisere og reflektere over etiske problemstillingar i arbeid med elevar og skulen som system og organisasjon
• gjere greie for forskjellen mellom si eiga rolle som privatperson og som fagperson/psykologistudent i møte med elevar og ulike profesjonsgrupper
• kommunisere og formidle kunnskap både til andre faggrupper, spesialistar og allmenta.