Innføring i psykologisk kartlegging og behandling

Mål og innhald

Dette emnet gjev ei grunnleggjande innføring i psykologisk kartlegging og behandling. Studentane vil lære å utgreie vanskar og ressursar, diagnostisere, utvikle kasusformulering og behandlingsplan, samt utføre evidensbaserte intervensjonar tilpassa spesifikke tilstandsbilete og livsfasar. Emnet vektlegg samanhengen mellom kartlegging og behandling av vanlege psykiske lidingar gjennom innføring i kunnskapsstatus og praktisk ferdigheitstrening. Det vert òg lagt vekt på forståing av eiga rolle som behandlar, samt forståing av samspelet mellom relasjonelle faktorar og spesifikke intervensjonsferdigheter i psykologisk behandling.

Innhald

Emnet kombinerer teoretisk kunnskap med praktisk ferdigheitstrening innanfor følgjande hovudområde:

1. Grunnleggjande kartlegging og diagnostikk

• Emnet tek opp praktisk bruk av rådande diagnosesystem
• Kartlegging av sentrale psykiske lidingar og vanskar over livsløpet ved hjelp av anerkjende kartleggingsmetodar og instrument
• Kasusformulering som bru mellom kartlegging og behandling
• Vurdering av sjølvmordsrisiko og tiltak for personar som står i fare for å ta livet sitt
• Utgreiing og tilbakemelding tilpassa alder, utviklingsnivå og kulturell bakgrunn
• Inkludering av pårørande og systemperspektiv
• Ivaretaking av barns rettar og medverknad

2. Allianse og relasjonsferdigheter i psykologisk behandling

• Relasjon og allianse som verksame faktorar i psykologisk behandling
• Empati og validering
• Sjølvivaretaking i rolla som psykolog

3. Integrert kartlegging og behandling av spesifikke tilstandsbilete

For kvart tilstandsbilete lærer studentane om både kartlegging og evidensbaserte intervensjonar tilpassa ulike aldersgrupper:

• Kartlegging og behandling av angstlidingar
• Kartlegging og behandling av depresjon og tilgrensande lidingar
• Kartlegging og behandling av traumerelaterte vanskar
• Kartlegging og behandling av eteforstyrringar
• Kartlegging og behandling av utfordringar med konsentrasjon/merksemd og åtferdsvanskar hos barn og ungdom

Sentrale problemstillingar knytte til psykologisk kartlegging og behandling, som til dømes:

• Spørsmål knytte til diagnosesystemet
• Debatten om evidensbasert behandling
• Verknaden av relasjon og fellesfaktorar opp mot teknikkfaktorar i terapi
• Brukarmedverknad
• Samfunns- og kulturperspektiv

Læringsutbytte

Studenten skal ved avslutta emne ha følgjande læringsutbytte definert i kunnskapar, ferdigheter og generell kompetanse:

Kunnskapar

Studenten:

• Kan gjere greie for samanhengen mellom kartlegging, kasusformulering og behandlingsplanlegging
• Kan gjere greie for trinna i diagnostisk kartlegging og vurdering
• Kan gjere greie for symptombilete ved og diagnosekriterium for vanlege lettare og moderate psykiske lidingar
• Kan gjere greie for og drøfte sentrale element i vurdering av sjølvmordsrisiko og sjølvmordsførebygging i ulike livsfasar og ved ulike tilstandsbilete
• Kan reflektere over moglegheiter og avgrensingar ved kartleggingsmetodar, diagnosesystem og behandlingstilnærmingar
• Kan gjere greie for og drøfte evidensbaserte kartleggings- og behandlingsmetodar for vanlege psykiske lidingar (angstlidingar, depresjon og tilgrensande lidingar, traumerelaterte vanskar, eteforstyrringar og utfordringar med konsentrasjon/merksemd og åtferd)
• Kan gjere greie for risiko- og vernefaktorar gjennom livsløpet og tydinga deira for kartlegging og behandling
• Har inngåande kunnskap om viktige psykologiske tema og problemstillingar gjennom livsløpet, og kan reflektere over utviklingspsykologiske forhold som har følgjer for tilrettelegging av tiltak
• Kan drøfte tydinga av relasjonen i behandling med utgangspunkt i forskingskunnskap
• har inngåande kunnskap om særleg viktige psykologiske tema og problemstillinger gjennom livet, frå spedbarn- og småbarnsalder til barn og ungdom.

Ferdigheter

Studenten kan:

• Gjennomføre strukturerte kartleggingar og diagnostiske vurderingar tilpassa klienten sin alder og problematikk
• Utvikle integrerte kasusformuleringar som koplar kartleggingsfunn med behandlingsplanlegging
• Bruke kasusformulering og behandlingsplan som rammer for, og reiskapar i, behandling
• Analysere risiko for uønskte hendingar, medrekna suicid, og bruke relevante metodar for å følgje opp dette systematisk
• Vurdere og handtere risiko, medrekna sjølvmordsrisiko, og utarbeide tryggleiksplanar
• Etablere og ta vare på terapeutisk relasjon og behandlingsallianse
• Bruke grunnleggjande behandlingsteknikkar
• Kommunisere med respekt i forhold til andre sin integritet, sjølvverd og autonomi i yrkesutøvinga si, og tilpasse kommunikasjonen ut frå mellom anna situasjon, alder, kjønn og språkleg og kulturell bakgrunn
• Bruke kunnskapen sin om barn og unge til å ta vare på deira behov for behandling og tenester, og til å sikre deira medverknad og rettar, medrekna samiske barns rett til å bruke eige språk og eigen kultur
• Systematisk hente inn tilbakemeldingar og monitorere behandlingseffekt
• Sjølvstendig bruke grunnprinsippa for psykososiale intervensjonar i kriser
• Bruke dei psykologiske kunnskapane og ferdigheitene sine til å ta vare på seg sjølv
• Hente inn systematisk tilbakemelding frå pasienten med omsyn til betring/forverring og terapeutisk allianse

Generell kompetanse

Studenten skal:

• Utvise etisk, personleg og kunnskapsbasert refleksjon over eigen praksis og samhandling med klientar i kartleggings- og behandlingsprosessen
• Kunne integrere kartlegging og behandling på ein heilskapleg måte som tek vare på klienten sitt perspektiv og medverknad
• Vurdere pasienten sine ressursar og behov i lys av livsløp og livssituasjon
• Analysere og halde seg kritisk til eigne verdiar, roller og fungering i møte med klientar og samarbeidspartnarar, og søkje hjelp ved behov
• Identifisere behov for rettleiing og eigen kompetanseutvikling
• Bruke psykologisk kunnskap for å ta vare på eiga helse og fungering i klinisk arbeid