Kvantitativ metode som grunnlag for psykologisk kunnskap

Kurset gir ei innføring i grunnleggande metodar for beskriving, behandling og oppsummering av kvantitativt datamateriale. Det blir gitt opplæring i vanlege former for organisering av kvantitative data, ulike former for beskriving og oppsummering av slike data, samt sentrale prinsipp for å gjere statistiske slutningar.

Gjennom praktiske øvingar vil studentane få trening i bearbeiding og oppsummering av kvantitativ informasjon. Vidare vil kurset gi ei innføring i korleis ein evaluerer og anvender kunnskap frå kvantitativ forsking i psykologiske kontekstar.

Ved fullføring av emnet skal studenten ha dei følgjande læringsutbyta definerte i form av kunnskap, ferdigheiter og generell kompetanse:

Kunnskapar

Studenten kan ...

• gjere greie for ulike kvantitative forskingsmetodar innanfor psykologi
• gjere greie for prinsipp for statistiske slutningar i kvantitativ forsking
• gjere greie for kvalitetskriterium i kvantitativ forsking, inkludert prinsipp for openheit i vitskapleg arbeid
• kritisk analysere relevant kvantitativ forsking og meistre relevant metodologisk terminologi
• beskrive og differensiere hovudtilnærmingar til kvantitativ dataanalyse
• identifisere situasjonar der det er relevant å bruke ulike former for kvantitativ dataanalyse
• kjenne til prinsipp for organisering av kvantitativt datamateriale
• kjenne til grunnleggande statistiske omgrep som sentraltendens, spreiing og samanheng

Ferdigheiter

Studenten kan ...

• utforme forskingsspørsmål som er eigna for kvantitativ forsking
• vurdere kvalitet på kvantitative undersøkingar
• tilrettelegge og organisere kvantitative data ved hjelp av standard programvare
• framstille enkel univariat og bivariat statistikk ved hjelp av standard programvare
• tolke resultat frå statistiske analysar av bivariate samanhengar og forskjellar mellom grupper
• kommunisere resultat frå statistiske analysar i samsvar med vitskaplege standardar

Generell kompetanse

Studenten kan ...

• stille seg kritisk og reflektert til mogelegheiter og begrensningar ved kvantitativ forsking