Krise- og katastrofepsykologi: Reaksjonar og psykososial oppfølging

Emnet Krise- og katastrofepsykologi tar sikte på å gi spesialisert innsikt i å kunne kjenne igjen og vurdere krise, sorg og katastrofereaksjonar hos barn og vaksne, samt å forstå biologiske, emosjonelle og kognitive mekanismar som kan påverke reaksjonar og tilpassing på kort og lang sikt.

Emnet skal formidle inngåande kunnskap om betydninga av tidleg intervensjon, organisering og tilrettelegging av psykososiale tiltak for overlevande og innsatspersonell, samt presentere metodikk og verktøy for å optimalisere tidleg intervensjon og psykososial støtte for enkeltpersonar, grupper og lokalsamfunn.

Kunnskapar

Ved fullført emne skal kandidaten

• ha inngåande kunnskap om utvikling og forløp av akutte og langvarige krise- og katastrofereaksjonar hos overlevande og etterlatte barn og vaksne
• ha overordna forståing av krise- og katastrofepsykologi som forskningsfelt og anvendt kunnskapsområde
• ha avansert kunnskap om strategiar og teoriar for å planlegge, organisere, implementere og evaluere individ- og samfunnsretta tiltak for å fremje helse og livsmeistring hos overlevande og etterlatte etter katastrofer og kriser
• kjenne ulike eksempler på kort- og langsiktige tiltak og strategiar som blir nytta i praksisfeltet
• ha inngående forståing av verdien av deltakinge og medverknad i planlegging, implementering og evaluering av psykososial støtte etter traumatiske hendingar

Ferdigheiter

Ved fullført emne skal kandidaten

• kunne forstå og vurdere naturlige stressreaksjoner og risikofaktorer hos barn og voksne som har vært eksponert for potensielt traumatiserende hendingar
• kunne anvende kunnskapen sin til å identifisere og påverke somatiske, emosjonelle og atferdsmessige reaksjonar på traumatiske hendingar hos barn og vaksne
• med utgangspunkt i krise- og katastrofepsykologisk kunnskap, organisere mottakssenter, mobilisere psykososial støtte og enkle psykososiale tiltak for å ivareta overlevande og etterlatne
• kunne vurdere hjelparar psykologiske reaksjonar under og etter katastrofar og yte hjelp til desse

Generell kompetanse

Ved fullført emne skal kandidaten

• kunne analysere faglege problemstillingar, argumentere og forstå fenomen og reaksjonar på grunnlag av forsking og døme frå praksisfeltet.
• kunne anvende fagkunnskap og bidra til tverrfaglege grupper og vere oppmerksom på avgrensningar i eige kunnskapsgrunnlag
• kunne kommunisere om faglege problemstillingar med andre fagpersonar, pårørande, barn og familiar
• kunne meistre teamarbeid, tverrfagleg og tverrsektorielt samarbeid under kriser og katastrofar
• kunne vurdere, bruke og kommunisere informasjon på ein etisk måte