Operativ psykologi

Operativ psykologi handlar om menneskelege faktorar i situasjonar der liv, helse eller grunnleggande verdiar er trua. I Operativ psykologi skal kandidatane tileigne seg grunnleggande kunnskap om individuelle, teambaserte, og kontekstuelle forhold som kan påverke individ, samhandling og yteevne i situasjonar som går føre seg under risikofylte og komplekse vilkår.

Studiet tar opp tema som:

• Teoretiske perspektiv på menneskeleg åtferd i operative situasjonar
• Situasjonsmedvit og slutningar
• Personalomsorg og ivaretaking etter kritiske hendingar

Felles mentale modellar, team og samhandling i operative einingar

Kandidaten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten kan:

• Gjere greie for biologiske, kognitive, personlege og sosiale/ kulturelle perspektiv som kan bidra til å forklare menneskeleg åtferd i operative situasjonar
• Integrere kunnskap om betydninga av kommunikasjon, slutningar og samhandling i operative team, som for eksempel situasjonsmedvit og felles mentale modellar.
• Vise grunnleggande kunnskap om korleis positiv forventning av meistring kan bli utvikla, vedlikehalden og forsterka gjennom eigen aktivitet, trening og øving
• Reflektere over metodar og prosessar for seleksjon av operativt personell

Ferdigheiter

Studenten kan:

• Diskutere sentrale teoriar og modellar som kan forklare menneskeleg svikt og feilhandlingar i operative situasjonar
• Anvende kunnskap frå operativ psykologi for å analysere risiko og menneskeleg svikt etter ulykker eller uønskte hendingar
• Reflektere over og drøfte kva slags utfordringar ein leder møter under planlegging, gjennomføring og avslutning av operative innsatsar

Generell kompetanse

Studenten kan:

• Identifisere og reflektere over psykologiske faktorar og prosessar sin betyding for seleksjon og trening av operativ personell, samt under operativ innsats.
• Identifisere kunnskapsbehov og planlegge utdanning- og øving av operative einingar