Vitskaplege forskingsmetodar

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Studenten skal ha følgjande kunnskapar:

• ha avansert innsikt og forståing for den vitskapsteoretiske basis og kjenneteikna til dei tre forskingsparadigma kvantitativ, kvalitativ og mixed metode.
• ha inngåande forståing for de ulike føresetnadane som gjeld for val av ein gjeven forskingsmetode.
• ha avansert innsikt i dei einskilde paradigma sine ulike forskingsdesign, bruk av teori og ulike måtar å samle inn data på.
• ha inngåande kunnskap om ulike måtar og tilnærmingar for å analysere data på innom dei einskilde forskingsparadigma.
• ha avansert kunnskap om bruk av omgrep og ulike strategiar for kvalitetssikring av data og resultat med utgangspunkt i dei einskilde paradigma sine føresetningar.
• ha inngåande kunnskap om ulike verktøy til bruk i kvalitetssikring og vurdering av publiserte artiklar, eigne og andre sine arbeider (t.d. EQUATOR guidelines).
• ha inngåande kunnskap om lovgrunnlaget for forsking knytt til etikk, personvern, trygg lagring av data og ulike godkjenningar som må være på plass før datasamling i eit prosjekt.

Studenten skal ha følgjande ferdigheiter:

• kunne bruke den vitskapsteoretiske kunnskapen knytt til de enkelte forskingsparadigma som grunnlag for val i planlegging og gjennomføring av eiget forskingsprosjekt.
• har inngåande ferdigheiter i dei ulike paradigma sine forskingsdesign og ut frå dette kunne velje og bruke riktig forskingsdesign ut frå ei gjeven problemstilling.
• kune nytte kunnskap om ulike metodar for datainnsamling og vurdere desse opp mot etiske og ressursmessige (tid, kostnader) omsyn i planlegging og gjennomføring av datainnsamling.
• kunne planlegge, gjennomføre og kvalitetssikre formålstenlege analysar av data ut frå paradigma og analysane sine grunnleggande føresetnader.
• ha inngåande ferdigheiter i vurdering av kvaliteten i forsking ut frå det einskilde forskingsparadigmet.
• kunne planlegge og gjennomføre et forskingsprosjekt i tråd med nasjonalt og internasjonalt lovverk og retningsliner for etikk, personvern, trygg lagring og deling av data.
• kunne formidle resultat frå eigen eller andre sin forsking ut frå ulike målgrupper sine føresetnader.

Studenten skal ha følgjande generelle kompetanse:

• anerkjenner at vitskapeleg forsking byggjer på ulike forskingsparadigme, der val av forskingsmetode er basert på problemstillinga si karakter og innhald.
• være bevisst på ulike styrkar og svakheiter knytt til dei ulike paradigma og forskingsdesign, metodar for innsamling av data, analysar og tolking av data.
• erkjenne eiget ansvar for å gjennomføre forsking i samhøve med gjeldande etiske standardar og lovverk.